موقع الشاعرغازي البراك موقع الجميع - مرثية ذيب الشمري في نواف العازمي رحمه الله

- - مرثية ذيب الشمري في نواف العازمي رحمه الله (http://www.gazialbrak.com/vb/showthread.php?t=2999)

مرثية ذيب الشمري في نواف العازمي رحمه الله

[frame="9 80"]كن الخبر رمـحٍ تخلـل ضلوعـي=رمح الفراق اللي للاعمار قصّـاف

صحيح ماهو واحدٍ مـن ربوعـي=مير الوفا فوق الطوايف والاطيـاف

شقيق فكري في بدايـة طلوعـي=اخوي في حكم العوايد والاعـراف

بين الصفوف الحاميه والجموعـي=ياما لنا في ساحة الشعر ميقـاف

بالقاف يضربني على راس كوعـي=واضربه مابين الحجاجين بالقـاف

على الشرف ندفع سلاح الدروعي=من شان تعزيز المواقع والاهـداف

في علم ترويض الاسود الهجوعي=في ساحته صرنا مروّض وعساّف

حتى بدت تمشي بطوعه وطوعـي=والسبع راقي بالتعامل ليـا خـاف

واصبح حليفي بأتحـاد الفزوعـي=يوم الزمان اصبح مجاميع واحلاف

من سنة الرحمن مانـي جزوعـي=لكن معي قلبٍ من الـود شفـاف

حفظ الصداقه من جواهر طبوعـي=اموج بالذكرى شـراعٍ ومجـداف

ادفع ضرايبهـا ولانـي منوعـي=مااظمها في خاطري شكل وغلاف

عليه من جوع الغـلا زاد جوعـي=ماهو مثل جوع البهايم للاعـلاف

جفت ينابيعـي ويبْسـت زروعـي=عشرة عمر نسيانها ظلم واجحاف

وفي حين صلينا عليه بخشوعـي=وحطوه في قبرٍ فصال اربع اطواف

اقفوا وانا عنده تـذارف دموعـي=اخر رجل واقف على قبـر نـواف

يامن لحكمك معلنيـن الخضوعـي=انت الكريم وتكرم الضيف لا ضاف

عبدك وضيفك في مقـامٍ يروعـي=عن رحمتْك ماله وساطات واسعاف

يالله لاتحصـي عليـه الوقوعـي=في ما نهيت وشفت والغير ماشاف
[/frame]

رد: مرثية ذيب الشمري في نواف العازمي رحمه الله

مشكوووووور والله يعطيك الف عافيه

رد: مرثية ذيب الشمري في نواف العازمي رحمه الله

إبن سعدون عافاك الله ,, والله يرحم الشاعر نواف العازمي

وبيض الله وجه ذيب الشمري على حفظة لصداقة رفيق دربة نواف العازمي ..,

وأنا لاجابوا ذكر الشاعر نواف العازمي أتذكر بعض من قصيدتة

ودك يصير الرجل عـراف وافهيـم

مايقول داري واهو ماهـوب داري

واليا نشد عن شي يستخـدم الميـم

ماشفـت ماعينـت مـالاح طـاري

والطيب من بين النشامـا مقاسيـم

اللي عليهن حمل واللـي عـواري

لاكـن قـل المـال لرجـل تحطيـم

لوكـان يطريلـه ثمانيـن طـاري

عشقن طلع في وادي الهيم للهيـم

دربي يمين ونبت عشبـه يسـاري

ومن صارله حاجه ورى برطم شريم

ينزل لرغباتـه نـزول اضطـراري

رحم الله الشاعر نواف العازمي

رد: مرثية ذيب الشمري في نواف العازمي رحمه الله

شكرا لك ابو براك على المرور المنور لصفحه

رد: مرثية ذيب الشمري في نواف العازمي رحمه الله

مرورك اسعدني سعود عبس دمت بود

رد: مرثية ذيب الشمري في نواف العازمي رحمه الله

الله يطول بعمرك ياذيب الشمري
اشهد انك شاعرورجل بمعنى الكلمه
ياكحيلان

رد: مرثية ذيب الشمري في نواف العازمي رحمه الله

عزالله قصيده جزله فيه تصوير نهاية صداقه يا الله حسن الخاتمه

الله يرحمك يا نواف والله يطول بعمرك يابو وليد على طاعة الباري

مشكور يابن سعدون على نقل هذه المرثيه

رد: مرثية ذيب الشمري في نواف العازمي رحمه الله

وانا هنا ابي استخدم الميم
ماشوف ان قصيدة ذيب هذه
لها اي علاقه بالشاعر نواف
العازمي
فكيف اطلق عليها اسم مرثيه

رد: مرثية ذيب الشمري في نواف العازمي رحمه الله

إبن سعدون عافاك الله ,, والله يرحم الشاعر نواف العازمي

وصح لسان الشاعر ذيب الشمري على هذه البادره بحق رفيق دربة نواف العازمي ..,

وأنا لاجابوا ذكر الشاعر نواف العازمي أتذكر بعض من قصيدتة

رحم الله الشاعر نواف العازمي
وابقاك الله الله اخوي عود عبس
على الاطراء الفريد لشاعر العلم رحمه الله نواف العازمي

رد: مرثية ذيب الشمري في نواف العازمي رحمه الله

عزالله قصيده جزله فيه تصوير نهاية صداقه يا الله حسن الخاتمه

الله يرحمك يا نواف والله يطول بعمرك يابو وليد على طاعة الباري

مشكور يابن سعدون على نقل هذه المرثيه
وتقبل مروري

رد: مرثية ذيب الشمري في نواف العازمي رحمه الله

اقتباس:
المشاركة الأصلية كتبت بواسطة ثويمر العجوني http://www.gazialbrak.com/vb/gk/buttons/viewpost.gif
وانا هنا ابي استخدم الميم
ماشوف ان قصيدة ذيب هذه
لها اي علاقه بالشاعر نواف
العازمي
فكيف اطلق عليها اسم مرثيه

... اولا::: صح السان الشاعر ذيب الشمري
والله يرحم الشاعر نواف العازمي
...وثانيا:: اتمنى من الاخ العزيز الشاعر ثويمر العجوني
التوضيح وكيف القصيده مالها علاقه بنواف العازمي

رد: مرثية ذيب الشمري في نواف العازمي رحمه الله

مشكوررررررررررررررر يابن سعدون

رد: مرثية ذيب الشمري في نواف العازمي رحمه الله

مشكور الله يعطيك العافيه وأتمنى من لديه قصائد لشاعر نواف نقلها للمنتدى

رد: مرثية ذيب الشمري في نواف العازمي رحمه الله

مشكور يابن سعدون على نقل هذه المرثيه