جديدي لكم مع التحيه
إدارة وأعضاء هذا الالصرح الشامخ اسعد الله صباحكم بكل خير احب ان اهديكم جديدي ان تكون الاولويه لكم آمل ان تنال اعجابكم ... ودمتم بحفظ المولى [frame="7 50"] على الهون ياقلب العنى لايجيبك ضيـق ترى الوقت مهما طال لابـد لـه وقفـه وترى الريح ماهزت رواسي جبال طويق تمر الهبـوب وراسـي الضلـع مالفـه وانا اشوفلي ناسٍ تهجول على التصفيـق مع الخيل ياشقراء لو الـدرب بـه لفـه وبعض الكلام اليـوم يحتاجلـه تدقيـق ماكل الكلام اللي يجـي ناقـف بصفـه تجينا علـومٍ كلهـا زيـف فـي تلفيـق ويسمعلها اللي ينقـل العقـل فـي كفـه وترى العلم يحتاج النظر فيه والتحقيـق عقـول البشـر متخالفـه ياهـل الكفـه وهذي ترى همزة وصل ياهل التصديـق من الشاعر اللي لبحـر الشعـر مازفـه [/frame] |
رد: جديدي لكم مع التحيه
آمل من اخواني المشرفين على هذا القسم تنسيق القصيده ودمتم بخير
|
رد: جديدي لكم مع التحيه
صح لسانك يابو نور وابشر بالتنسيق
|
رد: جديدي لكم مع التحيه
صح لسانك يابو نور
|
رد: جديدي لكم مع التحيه
وانا اشوفلي ناسٍ تهجول على التصفيـق مع الخيل ياشقراء لو الـدرب بـه لفـه وبعض الكلام اليـوم يحتاجلـه تدقيـق ماكل الكلام اللي يجـي ناقـف بصفـه عقول الناس مقامات وهنيك على رجاحة عقلك والله يابو نور ماتكفيك قولة صح السانك على هذه الحكمه ولكن بقولك الله يجزاك كل خير ويكثر من امثالك ويعطيك العافيه تقبل مروري وتقديري ودمت بخير |
رد: جديدي لكم مع التحيه
مراقبنا الخلوق عوض البراك
صح الله بدنك واشكرك على تنسيق القصيده بيض الله وجهك |
رد: جديدي لكم مع التحيه
العاقل 1
صح الله بدنك |
رد: جديدي لكم مع التحيه
سعود العجوني
منورني مرورك يالخال وصح الله بدنك ولاهنت |
| الساعة الآن 06:53 PM. |
Powered by vBulletin® Copyright ©2000 - 2025, Jelsoft Enterprises Ltd. TranZ By Almuhajir