.
هلابك كثر ماضاقت من اسباب الفراق صدور
هلابك كثر مامرت على شفاة البشر كذبه
هلابك كثر مايمسي يتيم وخاطره مكسور
هلابك كثر مافي ناس ظروفها صعبه
هلابك كثر ماتنقال هالكلمه بدون شعور
هلابك كثر ماتطري بنفس الادمي رغبه
هلابك كثر ماضاعت حروف في حكي مبهور
هلابك كثر ماتعبث ايدين الطفل باللعبه
أغيب وكني الفرقى واصد وكن مالك دور
اناني لحظه عنادي ولاتنفع معي طلبه
عتابك لي بلحظات الغضب والنرفزه مشكور
الايا سعد من مثلي رماك الحظ في دربه
اقول اسف تقول اسكت ومثلك لاخطى معذور
وتغرقني بعطفك لين ينسى خافقي ذنبه