حان السّفر والإجازه شبْه محسومه
للدّيره اللي تحدّد حسب رغباتك
وتفارق القيظ يا ذيبان وسمومه
وتنسى المشاغل وتنسى كل ضيقاتك
ودامك نويت السّفر بعطيك معلومه
تنفعك طول العمر في كل سفراتك
خوّة خويّ ٍ تسر و تعجبْ علومه
ينصحك لأخطيت و يرفى كل خملاتك
لا قلت رجال .. رجل و مالي هدومه
على النقا خوّته يصدق بهقواتك
كريم سبلى ونار الطيب مضرومه
وان شرت يمشي حسب شورك ومشهاتك
وان بان وقت الشدايد بانت رسومه
يضيق من ضيقك و يفرح بفرحاتك