قصيدة مهداه للشاعر /عويمر بن حبشي الرخيمي المطيري بمناسبة حضورنا حفل
زواج ابنه الشاب / فهد في الخميس الموافق 12/4/1434هـ بقاعة سدير للاحتفالات
بمحافظة المجمعة [poem=font=",6,darkred,bold,normal" bkcolor="transparent" bkimage="http://alajaon.com/vb/mwaextraedit4/backgrounds/45.gif" border="solid,5,darkred" type=1 line=0 align=center use=ex num="0,black""]

سلام في حفلة مطير اهل الثلاث المعجزات=مطير حمران النواظر بينات افعالها

يومنها بالرمح والاالشلف ولامصقلات =يوم المعارك مستهل(ن) برقها وخيالها

يوم المغازي والعزاوي في ظهور العاديات=يوم(ن) تبين أهل الفعول ادقاقها وجلالها

اللي بحد الدبدبه واللي بمشذوبه شتات=واللي على الحد العراقي ردها خيالها

قوم(ن) على القمة تعلوا وعلنو فيها الثبات=قبيلة(ن) عند القبايل عالي منزالها

أقولها في حفل شيخ(ن) مانجيه مجاملات=الا فتخر بعويمر اللي كل جزله طالها

رجل(ن) مع اهل الدين وأهل الطيب يلقاله صفات=والشعر له بصمة جزاله منفرد برسالها

رجل(ن) حصيله مع رجال لطيب كسب الطايلات=طيبه ينومس لابته لاعد ضمن رجالها

وهجوس شعري في مثل شرواه جت مسترسلات=تواردتني مفردات الشعر ونقى اجزالها

شاعر ولي نظره تعلت لنجوم العاليات=ولا رد نفسي للوجيه اللي تثنى حبالها

اليارقيت ارقى على روس الجبال الشاهقات =ولياسبحت اسبح بحوره عرضها وطوالها

ماقول انا اجزل شاعر(ن) غيري شواعير دهات =لكن انا من ضمن من يسعى لكسب جزالها

اقولها ونا من رجال(ن) تعدل المايلات=اهل الفعول اللي على الكفه رجح معدالها

وسامة الكفة سلايل عبس يوم المسرجات =يوم المعارك والاصايل خيل ياخيالها

بني رشيد مطوعين بفعلهم كل العصات=من زارهم بالشر يرجع غايته ماطالها

من دون قاصر في رجال الطيب في كل الجهات =وكل القبايل ماجهلنا مجدها وبطالها

واليوم حنا في ذرى اللي ينطحون الكايدات=آل السعود اللي بعد ربي يضل اضلالها

[/poem]
مبروك عبيد بن عقيل العجوني الرشيدي