[poem=font="simplified arabic,7,black,bold,normal" bkcolor="transparent" bkimage="backgrounds/7.gif" border="double,4,gray" type=1 line=0 align=center use=sp num="0,black""]
ترى رد الثنـا منـي هديـه=تولّم يانديبـي فـي جوابـي
عسى ياصل جوابي للخويـه=سلامي عقب ما قفن ركابـي
إذا نوخت لافكـاري مطيـه=طرت لي يا رعد بنت الذيابي
فلا والله بالبيـض أجوديـه=كما جادت تجود ولا تهابـي
سلايل عبس يوم النار حيـه=عليها بالفخر ضاف الثيابـي
تجانب مير ماهـي باجنبيـه=مودتها صفت لي بالشرابـي
صفت لي كنها منـيّ وفيّـه=ثنت دوني على سقم الصعابي
وكم حيٍ بعيـدٍ عنـك حيـه=يعوج لفزعتك عوج الرقابـي
سلامي كل ما تطـري عليـه=سلامي كل ما مر السحابـي
وسلامي عد ما للغصن فيّـه=وعدد حيٍ مشى فوق الترابي [/poem]