[poem=font="simplified arabic,5,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]

سـر يـاقلم وكتب ابيوتن طرايف = يم الـرفيق الي ابيوته طـريفه
عـبر امـاتخف الضلوع النحايف = الي من الهـوجـاس بين نحيفه
قـله تـراني تـالي الوقت خايف = نـاصر تبين فيـه شين يخيفه
من يوم شاف الشيب لراس ظايف = شيب الوقار الي ايشرف مظيفه
اليـوم مـاهو والمحبـه ولايـف = صـاحبك ياشامان يعلن نكيفه
ولـوهو على كيفه فلا هو ابعايف = حبن على وضح النقا مـايعيفه
واليوم ياشامان ويش انت شايف ابغـا مشورتكم اولابـه كليفه
ابعث محبـة نـابيات الـردايف = ودلج دليج الذيب وهرف هريفه
ورجع المـاسجل بيض الصحايف = حبن اموثق في عوال الصحيفه
العصرن مظا مـع مترفاتن عفايف = عصرن شريفن والمحبـه شريفه
يـوم الوسيلـه مقلمات الخفايف = عوص البكار املاوحات السفيفه
اليا حدوهن مع احزوم اوحتايف = عداتهن طـويت اسهالن امخيفه
بارضن خلا ماتشوف فيها شوايف = الا حرارن في اجبـالن انيفه
يازين هاك الوقت لـوكان طايف = وقتن مظا هـو عيد قلبي اوريفه
اليـا طـرى مرباعهم والمصايف = ودارن تجمع بـه وليف اوليفه
هلت ادموعي فوق خدي ذرايف =عيني على الماضي سريعن ذريفه
ورجع وقول اليوم ويش انت شايف = عطني سليم الراي واترك اضعيفه
تقول شـد الحيـل مامن كلايف = مـادام عمرك مـاتعدا النصيفه
[/poem]

ناصر خنيفر الرشيدي