[grade="00bfff 4169e1 0000ff"]مـــدخـــل :
أنا ضايع .. ولا أدري مِنْ فراقِكْ .. أنا ويني
مِثلْ طيرٍ كِسَرْ بُعْدِكْ جَناحَه وما قِـدَرتْ آطيـر
أحَاولْ أبْتِسِمْ وأنْسَى ولكنْ وشْ ينسينـي..؟!
أشُوفِكْ في صباحي إنتْ مَعْنَى يا صباح الخيـر
وأشُوفِكْ في مَسَائي حِلْم وردي .. لا تصحين
ا لدمعه الـي تكابـر .. فـي طـرف عينـي .!
يردها ( الموق ) بس ( الجفن ) ,, حدرهـا .!!
سمعـت صوتـك مـع العالـم .. ينادينـي .!
وازريـت لا ردهـا .. بالعيـن واسترهـا .!!
وصديت مـاودي ان النـاس .. توحينـي .!
مثلي يموت ودموعـه .. صعـب ينثرهـا .!!
ويخنقني البوح .. بـس القلـب يعصينـي .!
ويبقا بوسط الصدور .. وفـي خواطرهـا .!!
والحزن لونـي خفيتـه .. واضـح ٍ فينـي .!
ورد على القلب .. والفرحـات صدرهـا .!!
والبسمـه الـي تبينـي .. بـس تخطينـي .!
متى علـى الله .. يجيهـا يـوم واظهرهـا .!!
ألآحي الـورق .. مـدري هـي تلاحينـي .!
اوَن وتسجـع .. و ونـاتـي تكـررهـا .!!
لبيـه يـا ذكرياتـي .. واجمـل سنيـنـي .!
ويا قصة ٍ عايشـه لـو مـات .. آخرهـا .!!
وين انت ي/ اول غرامـي .. يـا معنينـي.!
وين انت ي/ اغلا ذنوب القلب .. واطهرها .!!
اصحا وطيفـك .. معـا زولـي يبارينـي .!
وارقد واشوفك .. مع احلامـي تباشرهـا .!!
مدري تناسا غصَـب او انـت .. ناسينـي .!
ومدري عهودك وش الي صدق .. غيرهـا .!!
واليوم .. وينك ب/ هالدنيا .. وانـا وينـي .!
طالت ليال الفراق .. ب/ عيـن ساهرهـا .!!
كم قلت ( توبه ) .. ترا مـا عـاد تعنينـي .!
ان جات ل/ النفس .. نفسي يمكن اقدرها .!!
واليا اظلـم الوقـت .. هوجاسـي يسرينـي
ويضيق صدري .. و كل ايامـك اذكرهـا .!!
وتبيني .. انسا .. وانـا مـا عـاد يمدينـي .!
لو شفـت حالـي .. قسـم بالله تعذرهـا .!!
اصبَـر الحـال .. فـي قولـة ب/ ياتيـنـي
وانا ادري اني .. اببطـي .. لـو اصبرهـا .!!
وقصايـدي فـي غيابـك .. مـا تسلينـي .!
لو تطرب الناس .. تشكي جرح شاعرهـا .!!
والنفس تشكي زمان ٍ .. صـدق مشقينـي .!
حتى انت ي/ اغلا البشر .. تبعد وتحقرهـا .!!
والدمعه الـي مـن الوحـده .. تواسينـي .!
إلـي مـن آخـر لقـا .. بالله خابـرهـا .!!
شفها تكابر وترجف .. فـي طـرف عينـي .!
ولاني عقب شوفتك يالزيـن .. ذاخرهـا .!!
احبك ايه انا احبك .. احبك حكمة الاقدار
احبك لآخر الدنيا من قلب" يعشقك يوفي لك[/grade]
حاصل على ترخيص من وزارة الثقافه والاعلام السعودي
الدمعه الي تكآبر .. في طرف عيـني .......
العرض العادي
