يازين لاتشّر ترى القلب منصاب=اخاف بعد العرف يصير فرقا

السلام عليكم ورحمة الله وبركاته
امل ان تتفظلوا وتقبلوها كماهي وان تسمحوا له بالعبور 0واقول

[poem=font="simplified arabic,6,darkred,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يازين لاتشّر ترى القلب منصاب=اخاف بعد العرف يصير فرقا
يبوشعر ضافي على المتن منساب=مالك شبيهن بين سمرا وزرقا
فيك البياض اللي كما صفحت اكتاب=وزينك على كل البشر فيه فرقا
انت الجميل وكل مافيك جذّاب=انوح من حبّك مثل نوح ورقا
هذا كلام الصّدق مانيب نصّاب=ليتك بوسط القلب تمشي وترقا
وكانك بعد مثلي ولانته بلعّاب=اصبحت انا ويّاك بالحب غرقا
الله يجمعنا على كل ماطاب=وتشفى جروحن بالمعاليق حرقا
عجّل علي بالرّد ياسيد الاحباب=حالي طرقه الهم يازين طرقا
وانكان في ردّك غدا زعل وعتاب=الصّدر ضاق وصار بالحلق شرقا

[/poem]وسلامتكم
اخوكم سعد البطيان العازمي
ملاحظة0وردة كلمتين متشابهتين بقافية العجز بالبيت الاول والثالث ومختلفتين بالمعنى
الاولى تعني الابتعاد والاخرى تعني الاختلاف لتّوضيح فقط

صح الله لسانك وبيض الله وجهك على الجزله ولاهي بغريبه
على شاعر مثلك غني عن التعريف وتستاهل كل خير
تحياتي لك تقبل مرور اخوك

سعد العازمي
صح لسانك ملايين
لك روعة في الطرح لاتشبه اي روعة
من المتابعين لك ساكون

اقتباس:
المشاركة الأصلية كتبت بواسطة متعب الشعباني
صح الله لسانك وبيض الله وجهك على الجزله ولاهي بغريبه
على شاعر مثلك غني عن التعريف وتستاهل كل خير
تحياتي لك تقبل مرور اخوك



صح بدنك ابوفايد ولاهنت
واسعدني وشرفني مرورك الكريم والراقي
شكرا لك وتقبل تحيات وتقدير اخوك ومحبك

صح لسااااانك يابوبطيان على هالجزله شاعر وافي ولافيك حيله

تحياتي لك