فـرقـــــــــــاك عـــادي !!

القصيده بعنوان ( فرقاك عادي)
كنت احسب ان عندك معزه وتقدير
........................يوم العرب ما يحسبون الملامه
جيتك وانا صداق مبديك على الغير ××
............................جيتك وانا عندي ضمير وشهامه
جيتك ولا هميت طول المشاوير
........................×× جيتك وقلبي فوق كفي علامه
جيت وعاهدتك ولا شفت تقصير
..........................×× وهام فيك القلب وما حلا هيامه
جيتك وانا قايد سرايا طوابير ××
............................. وطيت لك راسي من اعلى مقامه
لكن تدري لو افترقنا وش يصير ؟
.............................×× والله بسيطه رح دروب السلامه
دمرتني يا باهي الخد تدمير
............................×× ولا انته مسامح لين يوم القيامه
بعض الوفا ما منها يا عرب خير
............................×× والحب بلوه يوم تجرح سهامه
جرحك بقلبي ما تقوله تعابير
..........................×× وورده شبابي حول عشرين عامه
ودعت جرحك في لحظ حزه عصير
........................×× شمسك تغيب والليل يسدح ظلامه
وسهرت طرفي تالي الليل تسهير
........................×× وغطت على نجوم المحبه غمامه
وونيت ونه كنها ثاني الجير
...........................×× في شاص لاندكروز مزين وسامه
زليت زله ما لها أي تكفير
..............................×× والحين با ودعك ولا بي ندامه
من بعد ما ميزت حبك عن الغير
.......................... ×× وصنته على راسي بتاج وعمامه
فرقاك عادي ما لها أي تاثير
.........................×× هديت صرحك بالحشا وهتمامه
بكره انا بنساك وروح مع الطير
...............................×× دربك خضر يا جعل فرقا غنامه
وبتشوف كم ظبي(ن) لفا عاكس السير
..............................×× وده هواء راشد ويمسك زمامه
جاتك حروفي في وداعك تباشير
...............................×× ختمت قافي والتحيه ختامه