فجــــــــر الصــــــــــباح
[poem=font="simplified arabic,5,black,bold,normal" bkcolor="transparent" bkimage="backgrounds/14.gif" border="solid,2,orange" type=1 line=0 align=center use=ex num="0,black""]
مرني في حلم ليل وصارعه فجر الصباح = واستحى منه المعنّى يوم فجره صارعه
قال وينك ؟ ماسألت و قلت ياسيد الملاح= والله إن الشوق عندي فاق كل متابعه
قال قدري ويش يسوى ؟ ثم تبسم بإنشراح= قلت تسأل وإنت تدري بالغلا وش طابعه
قال وش بالوقت ضدي ماعطا غير الجراح= ولا ضحك لي في زماني كود عين (ن)خادعه
فرّقوا بيني وبينك وأعلنوا هالإجتياح= أحرمونا الإجتماع وصار قصة فاجعه
قلت مالك غير تصبر والصبر رمز الكفاح= لا تهيأ لك ظنون وشوف شمسي ساطعه
ماعليك من الهروج وخل وضعك بإرتياح= وإن قسم ربي تلاقي تستلين المانعه
لاتحسب إنه برود و لا تقول الحب راح= والله إني دون شوفك كل سم (ن)جارعه
أعشقك وأعشق وصالك بالغدو وبالرواح = ولا عرفت إنسان غيرك يستحق أطالعه
إنت نور الكون كله مكتسحني إكتساح= والمشاعر في حضورك ياغناتي خاضعه
ولو أقول إني نسيتك لاتصدقني (مزاح)= إنت بس اللي ذكرتك والفوارق شاسعه
إنتهضت من الفراش وقلت يابعد المراح= ليت فجري ماتعجّل بالحضور وقاطعه[/poem]
الشاعــــر / عبدالله الخنيعان الشراري
حاصل على ترخيص من وزارة الثقافه والاعلام السعودي
مرني فى حلم ليل وصارعه فجر الصباح
العرض العادي
