اخواني وخواتي بموقع الجميع طابت اوقاتكم بكل خير
هذه القصه والقصيده الشاعر / سليمان حسين الوهيداني (ابن الصمر)
يسندها على خاله اخو امه الفارس حنيان ابن شعيب المشعلي(راع العلطا ابو دغيم)
وكان يرغب في الزواج من بنت خاله الفارس حنيان المشعلي
يقول
[poem=font="simplified arabic,5,black,bold,normal" bkcolor="transparent" bkimage="" border="solid,5,darkred" type=1 line=0 align=center use=ex num="0,black""]
ياخـال واخلـي تنحـا بالابـعـاد= بيني وبين اديـاره الذيـب عـاوي
اشكي على خالي من الربع الاجيـاد= نطـاح باللقـوات روس البـلاوي
نطـاح باللقـوات دكـلات الاولاد= عوق الخصيم اللي عن الدرب غاوي
يابو دغيم يازبـن كـل مـن كـاد= ان كان لحقـوا ميدميـن العـزاوي
نظر بحالي كيـف بالنقـص تزتـاد= كني مريض وموجعتـه المكـاوي
من ود غرون واعسى الود ماعـاد= جرحه عطيـب ولايفيـد المـداوي
وجدي عليهاوجد مـن كـان كـداد= فـلاح زرع وبالزمـان السنـاوي
يوم استوى زرعه وشرهب الاحصاد= امرح بـه الكتفـي باليـلٍ خـلاوي
او وجد من ربعـه ثمانيـن بعـداد= مافيهـم الهاكـع عيـال مـهـاوي
ضربهم الطابـور فجـاج الاعمـاد= وقبل صلاة الفجر صـارة نخـاوي
والهوش حد اسيوف والخيـل وراد= والمنع مرفوعٍ عـن اللـي منـاوي
اقولـهـا والله علـيـمٍ بـماراد= لـو قـال قلبـي ماتفيـد المنـاوي
ولاهي على راسي سواليف الاجداد= على الصحابه كـل قـرمٍ يهـاوي
مشعان ابن هذال هو وابـن مجـلاد= وساع الطعون محرقيـن القهـاوي
وشيوخنا يالبـدو وشيـوخ الاكـراد= وعبدالعزيز اللـي تجيـه الهـداوي
كلٍ علـى خلـه تشافـا بالاجهـاد= وانا علـى لامـا وليفـي شفـاوي[/poem]
الشاعر المرحوم سليمان الصمر الوهيداني
وعند مافرغ من القصيده قال له الفارس حنيان هي منهي معشوقتك علمني باسمها واسم ابوها قال هي بنتك ( فضيه) يارع العلطا
قاله ابو دغيم ابشر بها وفعلا تزوجها وهي ام اعياله
رحمهم الله جميعا وعمر هذه القصيده فوق 100سنه
إلى هنا آمل ان اكون وفقت بالنقل لينال اعجابكم
دمتم
م ن
حاصل على ترخيص من وزارة الثقافه والاعلام السعودي
قصة وقصيدة ابن الصمر وخاله راع العلطا حنيان
العرض العادي
