وادوج لوكـان مارجلـي بدواجـه
ادلّـه النفـس ليـن الله يفرجـهـا
يالله يالي بيـدك الضيـق وافراجـه
ياخالق الخلـق ياقاضـي حوايجهـا
افرج لعينٍ لاغضت بسوهاجـه
تجهز عليها الطواري لين تزعجهـا
بالصدر ضيقه ونوم العين هملاجه
عينٍ من العام والسهر متولجها
نوب سهرها شديـد ونـوب نهاجـه
ومر ٍتكن الدمـوع ومـر تزعجهـا
عليك ياللـي بقلبـي كـن وهاجـه
وهاج نار هوى الغربـي يسارجهـا
راعي ثمانٍ تشـاد اللولـو لعاجـه
كن البرد يوم يضحك فـي مفالجهـا
ياروح روحي وجرح القلب واعلاجه
الطف بحال عليـك الهـم ساهجهـا
قلبي يناجيك بسلوب الهوى .. ناجـه
يشكي لك الحال داخلهـا وخارجهـا
اما التفت له وتم الوصـل بمواجـه
والا بـلا عشـرة هـذي نتايجـهـا
وش ينفعك من حنين القلب وخلاجه
وجروحٍ اسبابها انت ولا تعالجهـا
عبد الله بن عون
حاصل على ترخيص من وزارة الثقافه والاعلام السعودي
يامل قلبٍ يسج وفيه دولاجه ... عبد الله بن عون
العرض الشجري