الحياة فيها مواقف وصدف كثيرة تخلي الواحد يحتار من كثر مايشوف منها ، ومن الصدف العزيزة على قلبي هي صدفة معرفتي بالشعر الكبير / عبدالله بن مظهور. فـ أنا تشفقت على الوصول له من يوم دريت انه قريب من مكان تواجدي يوم كنت بالرياض لظروف خاصة ، والحمد لله قدرت أتواصل مع أبن مظهور بشكل جيد وسرتني وشرفتني معرفته.
كانت بداية التواصل رسالة تحوي أبيات مني وجهتها له .. أقول فيها :
[poem=font="simplified arabic,5,black,normal,normal" bkcolor="transparent" bkimage="backgrounds/8.gif" border="double,6,darkred" type=1 line=0 align=center use=ex num="0,black""]
يابو محمد كيف حالك والأخبار=عساك طيب يابن مظهور قلي
جينا زيارة بس ماشين يا جار=زيارتن تعرف بموضوعها اللي
يبغى لها صبر(ن)على الوقت لا جار=واظن حاصل لك مثل ما حصل لي
وانا انتظر رحلة تجهز وطيار = ياطيبن قدام أعرفك تهلي
لك صفحتن بالمجد تسر الأخبار=فيها سطور شعرك اللي تسلي
وانته حفيد اللي لهم فعل واذكار=فرسان لجموع المعادي تجلي
ولك التحية من حمد سر وجهار=عدد همالن من الغيث هلي
[/poem]
وبعد فترة وصلتني رسالة من أبو محمد يقول فيها :
[poem=font="simplified arabic,5,black,normal,normal" bkcolor="transparent" bkimage="backgrounds/8.gif" border="double,6,darkred" type=1 line=0 align=center use=ex num="0,black""]
ياسائلن عني هلا فيك مليار=وابشر تراي بخير دقي وجلي
ارحب ولك عندي معزة ومقدار=واقلط محلك يالبناخي محلي
يابو علي يا نسل شبابة النار=نسل الشيوخ اهل الظلال المظلي
واهل القنا والسيف حماية الجار=عون الضعيف المستريب المقلي
شاعر ولك بالشعر بصمة ومشوار=وغيمة قصيدك تبرق وتستهلي
يالزاير اللي جيت من عرض زوار=نفس الظروف اللي جرن لك جرن لي
وانته رجل فاهم ومؤمن وصبار=وانا معك بالصبر دوم امتحلي
نصبر على الدنيا ونرضى بالأقدار=اقدار رب(ن) في سماه امتعلي
حياتنا سكه محاطه بالاخطار=نمشي بها ولابد منها نولي
ومهما يكن راضين في كل ما صار=والحمد للي له نصوم ونصلي
[/poem]
أتمنى من الله ان الظروف تتحسن ونجتمع انا وهو ونتبادل أطراف الحديث عن الشعر وعن غيره.
حاصل على ترخيص من وزارة الثقافه والاعلام السعودي
بيني وبين عبدالله بن مظهور
العرض الشجري