تعال واقرب واستمع مني تعال

صباحكم عبسي .. صباحكم طهر
:
[poem=font="simplified arabic,6,white,bold,normal" bkcolor="transparent" bkimage="backgrounds/38.gif" border="outset,9,gray" type=2 line=0 align=center use=ex num="0,black""]
عين المها ريم الفلا عنق الجفول=مياسة في حسنها فوق الخيال

إلى مشت تلعب على عزف الحجول=رقصة صفوف السامرية باحتفال

لامن رجف طيرانها راع الطبول=يشيل معها من صدى صوت الجبال

لي عشقتن تحرم على كل الفلول=ما تشتكي لي من عدم قل الرجال

قام يتغزل هاجسٍ فوق الذلول=تعال واقرب واستمع مني تعال

لاسلهمت بعيونها شيٍ يهول=ما اقدر أقول إنه بلغ حد الكمال

في بسمته برقٍ لعج حبات لول=كن ابتسامة ثغرها السحر الحلال

إلى تنثر شعرها عرضٍ وطول=فوق الردوف النابية زاد الجمال

ينتابني مع رعشة الطفل الخجول=نشوة حنين بين شمسي والظلال

بي تجتمع كل التناقض والمثول=إذا وقفت قبالها بنت الرجال


واذابغيت أوصف جماله ويش اقول=فكري يضيّع وصفها عند المقال


وتضيع دونه كنها قولة يقول=لو إن ماهو كل ما يعلم يقال


إما جميع الأسئلة ابلا حلول=والاّ جميع الأجوبة ابلا سؤال
[/poem]
فهدالشمري