[poem=font="simplified arabic,6,white,normal,normal" bkcolor="transparent" bkimage="backgrounds/21.gif" border="solid,5,darkred" type=1 line=0 align=center use=ex num="0,black""]
راكب اللي مالها وصيف ولاشبيه=الصناعة طيبة والمهندس عالمي
لاقلعت كن الوطاء من تحتها يقول ليه=كن صوت قزوزهايقول قم يانايمي
كنها من كوكب الزحل تاخذ ماتبيه=أف واحد خمسة الحجم حجم الحاسمي
مركب اللي ماشقى بالشبح واللي يليه=اكد الرحلة وفي مثل هذا جازمي
من مدينة طيبة الطيبة حاجز اوكيه=وللرياض انويت اوجه وقضِّي لازمي
يم شيخٍ ودي انصاه واسلم عليه=وأخذ أخباره لعله معافا سالمي
والسلام السنه اللي بشرعه نبتديه=والعلوم الثانية في حياة الادمي
ياسلام الله على اللي كلامه يحتميه=ابو بندر بالزمان المخيف الصارمي
شيخ من روس الخيارات والعفه لديه=فيه عفت نفس تقعد ضمير النايمي
كرم الله جانبه ورحم الله والديه=وسهل الله خطوته بالزمان القادمي
يابو بندر جيت ياعز والله من يجيه=جيتكم بالعون مظلوم ماني ظالمي
ياحسن يافزعتي ياذرا من لاذ فيه=يالعل الجودفي مثل طبعك دائمي
البناخي ماله الا البناخي يحتسيه=بنخوتن يلزم ويفطرعليها الصايمي
ياسند من جاه عاني ولابار بيديه=بالمكان المحترم والمقام الكارمي
وسط بيتن يشكرونه رجاجيلٍ تجيه=من عتيبي لقحطاني لاعزوت سالمي
كل من يدهل محلك ذكرمايحتويه=من كرم لالين جانب لاقضيت لازمي
سمعتك بيضا بتقييم بيضان الوجيه=ان نشدنا حازمي وان نشدنا عازمي
والصحيح يقال والله يبي من يتقيه=وسلم وتسلم من الشر جعلك سالمي
[/poem]
حاصل على ترخيص من وزارة الثقافه والاعلام السعودي
قصيدة للشاعر منيف بن زايد الخياري مهداة للشاعر حسن بن معيوف الخياري الرشيدي
العرض الشجري