ياورد..أنا وياك شابك.. ومشبوك..

{مدخل}


ياورد..أنا وياك شابك.. ومشبوك..!!


ودموعنا .. تروي الظمأ .. يوم ... ســـاحوا ...


بـ الله..لوعقب البطا..بـ يوم مروك..!!


وبـ جروحهم..عندك من الضيق..باحوا..


لابد..تذكر..كم ياورد..بكوك..!!


وكم ليله..تبكي إلين...أستراحوا..

أحبك كثر ماقد صار..أحبك رغم ماقد صار

احبك كثر ما دنيا الزعل والصـد مهجـوره

احبك كثر ما تمطر بصدري من غلاك امطـار

احبك كثر ما صارت اراضي العشق ممطـوره

احبك كثر ما تفتـح شبابيـك الربيـع ازهـار

احبك كثر ما غنّت عشان الصبـح عصفـوره

أحبك كثر ماتاقف على جنب الطريق أشجار

أحبك كثر مايقسى الشتـا وتهاجر طيـوره

احبك كثر ما ف الأرض بنتٍ تلفـت الأنظـار

أحبك كثر مايرتـاح عطر بصدر مغـروره








احبك كثر ما جاب المساء فـي معطفـه زوار

احبك كثر مـا جانـا صبـاحٍ يشبهـك نـوره

أحبك كثر ماتهدي كفوف الوصل من تذكـار

أحبك كثر ما شـالت يديـن العـاشق زهوره

احبك كثر ما نقرا عن الفارس عـن المغـوار

احبك كثر ما نسمـع ولا شفنـا ولا اسطـوره

احبك كثر ما تلعـب بدنيـا العاشقيـن اقـدار

احبك كثر ما .. ذا الحظ دايم يعلـن قصـوره

احبك كثر ما عاثـت ريـاح بحسبـة البحـار

احبك كثر ما البحـار يعشـق نسمـة بحـوره

احبك كثر ما يتلحف اللي منشغـل باعـذار

احبك كثر ما ف الناس نـاس بجـد معـذوره

احبك كثر مـا ملّـت قصايدنـا مـن التكـرار

احبك كثر ما الشاعر تمنـى حـب جمهـوره

احبك كثر ما شفنا على وجـه الزمـان اثـار

احبك كثر ما في الأرض فقر وناس ميسـوره

احبك كثر ما نجهل متى توقف بنـا الأعمـار

احبك كثر ما قلنـا عـن الأحـوال مستـوره

احبك كثر مـا دارت بذهـن الحالميـن افكـار

احبك كثر ما في الخير ناس ب خير مذكـوره

أحبك كثر مانرمي حكـايـات الحطب للنار

أحبك كثر مـانسمع حكايـا حب مشهوره

احبك كثر ما ضاق السجيـن بلعنـة الأسـوار

احبك كثر ما هـاج البحـر واجتاحتـه ثـوره

احبك كثر ما ننسى واحبك كثـر مـا نحتـار

احبك كثر ما يسهر محب وفـي يـده صـوره

احبك كثر ما تقطع شفاتك ف العسـل مشـوار

احبك كثر ما خدك يخلـي الشمـس مبهـوره

احبك كثر ما روج عليك الحسن مـن اخبـار

احبك كثر ما صدرك يـدوخ الـورد بعطـوره

احبك كثر ما في عينك من السحـر والأغـوار

احبك كثر ما فيك الغـلا مـا وفّـت سطـوره

احبك والزمن ساكن واحبـك لـو زمانـي دار

احبك يا مدينة حب وسـط الصـدر معمـوره

احبك والتفت شاعر لعينك و انطـرت اشعـار

حلف ما يمسي الليله قبل مـا يكتـب شعـوره

ورتبتك بصدري وانت تستاهـل وراعـي دار

تفضّل قلّـب اوراق الغـلا وايديـك مشكـوره

ذكرتك وانت لو مثلك ذكرتـه هلّـت الانـوار

وقمت اجمع من اشواقي قصايد عشق منثـوره

تلبّست الجمال وقلت ابهديـك القصيـد ازرار

غلاك وصدق حبك ما ترك لي نفس مكسـوره

انا عاشق جمال وما خفاني ف الجمال اسـرار

انا لامن كتبت اعطيك واعطي العشق بك دوره

كتبتك ف القصيد ابيات من حسنك عليك تغـار

حروف العشق طفله في ثياب العيد مسـروره

لقيتك والدلع والثقل ( شِلّه) والحسـن ثرثـار

يقول اشيا كثيره للعيـون ويثبـت حضـوره

كفايه لو تطل ويفـرح اب طلّتـك دار وجـار

كفايه لو تشوف الناس في نظرتـك مأسـوره

غرامك يغري حروف سقاها الصدق منك امطار

كتاباتـي بتشهـد للغـرام وتحفـظ عصـوره

احبك رغم ما قد صار .. احبك حيل مهما صار

احبك دام انا طيّب .. واراضي العشق ممطوره

{ مخرج}

ياورد..عادي..لوبـ الاحساس غشوك..!!


لو..أن من طيبك..مع الناس..فاحوا..


تبقى لك ..الذكري ..ولوهم..تناسوك..!!


لوإنهم..عن دربك..اليوم..زاحوا..

بعد كل هذا الوصف تتوقع في احد كثري يحبك بهالدنيا!!



ممارااااق لي

تحياتي

كفايه لو تطل ويفـرح اب طلّتـك دار وجـار

كفايه لو تشوف الناس في نظرتـك مأس
قمة الابدااع والاختياار واهلا وسهلا بك في موقع الجميع
ودمت بووود