قصيدة الشاعر المعروف مانع بن شلحاط بفهد بن ناهس بن براك

السلام عليكم ورحمة الله وبركاته

اخواني واخواتي اعضاء موقع الجميع والزوار الكرام

اتصل بي الشاعر القدير مانع بن شلحاط وقال لي ان عنده قصيده بالشيخ

فهد بن ناهس بن براك وتم تسجيل القصيده عبر الجوال ونشرها بموقع الجميع

صح السان الشاعر المعروف مانع بن شلحاط والشيخ ابو ناهس منصى القصيده وكفوله



التحميل القصيده على صيغة الجوال mp3
على هذا الرابط



الشاعر مانع بن شلحاط .

رساله إلى فهد بن ناهس

بديت باللي يولج الصبح بالليل
ربن هباته كل عبدن حمدها
ويزود للشاكر مخافه وتبجيل
وعقوبته تعبأ لمنهو جحدها
بأسمه بديت مزخرفات التماثيل
نوادر ٍ تمسكت بي بيدها
وردتها درب السنع والقناديل
الين رفرف في سماها سعدها
ثم رددوها في الدياوين زحيل
قصايدن تفخر بمنهو قصدها
ماهي هروج ملصمقين المواويل
ولادوادي من تنفخ غددها
واليوم يمتها الزحول الحلاحيل
بني رشيد وجاتها في بلدها
وتخص منهم من تربع من الجيل
هو شيخها هو ذخرها هو سندها
شيخن تعزوا به دهات ٍ دواليل
لامن عسرها الوقت ولاضهدها
مقواد عبس وقدوتن للمشاكيل
الله يخلي للقبيله فهدها
فهد بن ناهس لالحق ربعه الميل
ياطى الليالي لين يظهر زبدها
زحلن جنابه للأشاوس مداهيل
قبة الأماجد مايرخي عمدها
من دون أسم (براك) غرام ويشيل
كل الأمور الكايده يعتمدها
عون الرشيدي لاشكا له من الويل
يفز عجل وكبد الأرض يهبدها
الين يصبح كل دربه تساهيل
سوالف ٍ قد له وقدها وقدها
ماهي جداد مورثتها رجاجيل
وفهد تبناها وجدد عهدها
تعرس على فعله بنات ٍ وآراميل
ستر (الرشيديه) ومحزم ولدها
تاج ٍ على روس الظلوس الحلاحيل
تأمن سباع الغاب في ظل أسدها
في ظل جاهه في السنين المقابيل
وفي ظل وجهه عاده أقوى وأدهى
وصاه (ناهس) بالوفاء والآفاعيل
وأدا وصاة الشيخ وأكمل عددها
أستر على الخملات من داجي الليل
وأثقل من قنوف ٍ ترازم رعدها
وأصدق من الأفعال وأكرم من السيل
وأعنف من وحوش ٍ على أول هددها
خذا من (دليم) المسمى تفاصيل
زحين قوم ٍ كل دار هجدها
شيخ ٍ مضى ذكره ابيت ٍ من القيل
من شاعرن ٍ شاف الفعول وشهدها
بيت ٍ تغنو به من الجدي لسهيل
حتى أخصماه أللي بفعله كبدها
(دليم) لاسمعو حساسه هل الخيل
قامت مع البيدا تراخى جهدها *
وهذا حفيده والنساء ماهن بحيل
نقاد دورات الزمن من مددها
ذكره من رجال الحجر للمناهيل
للهاجري للخالدي في رغدها
ألين جاني ذكر من يوفي الكيل
وحطيته براسي وكبدي بردها
عفواً يابو ناهس بداية تراتيل
سلام قيفان كلن حسدها
محسودتن بك في اللقاء والمواصيل
يابختها ساعة تجدك وتجدها
ياسيدي تزبن عليك المراسيل
وأنا مع القيفان ماهي وحدها
دخيل وجهك من حياة الغرابيل
جتك البيوت وجيتك أزحف بعدها
تكفى يابن براك ماعاد بي حيل
كبرت عليّ يالشيخ ثم طال عمدها
والسبل ضاقت بي ولابه محاصيل
وإن مافزعت فنفسي الله قردها
مالي عساه يفداك يمك مداخيل
الأبتكفى الى نهاية عقدها

الشاعر مانع بن شلحاط العجمي

صح لسان الشاعر ماااانع وبيض اللـَّــ̯͡ﮭ وجهك
ومشكور يابو يوسف على الناقل

صح السان الشاعر ابن شلحاط وابوناهس يستاهل اكثر
ومشكووور يابو يوسف على النقل

قصيدة من شاعر معروف وأبو ناهس يستاهل

صح الشاعر /مانع بن شلحاط

وابو ناهس كفو يستاهل المدح


وسلمت ينماك يابو يوسف على تنزيل القصيده

صح الشاعر /مانع بن شلحاط

وابو ناهس كفو يستاهل المدح


وسلمت ينماك يابو يوسف على تنزيل القصيده
واختيار الشاعر لهذا الموقع من اجل ايصال قصيدته للشيخ فهد بن ناهس
يدل على تميز الموقع واضافه قويه بل شك للموقع .

بسم الله الرحمن الرحيم
الحمدلله والصلاة والسلام على أشرف الانبياء والمرسلين ،
نتوجه بالشكر الجزيل للشاعر مانع بن شلحاط والغني عن التعريف على قصيدته والموجه للشيخ /فهد بن ناهس بن براك حفظه الله وهو محل التقدير والجاه والوجاه والمنصى ونشكر الشاعرغازي البراك على نقل تلك القصيده في موقعه موقع الجميع ومن مايزيدنا فخر واعتزاز أن نرى الرجال شرواكم جميع
يشيدون بكلمة الحق عن هذا الموقع المميز بأعضائه وزواره الكرام فلكم خالص الشكر والتقدير والسلام عليكم ورحمه الله وبركاته

صح لسان الشاعر /مانع بن شلحاط

وابو ناهس كفو يستاهل المدح


وسلمت يمناك يابو يوسف على تنزيل القصيده

صح لسان الشاعر / مانع بن شلحاط

وكفو ابو ناهس الشيخ / فهد بن ناهس

ابو يوسف بيض الله وجهك على تنزيل القصيده مقطع صوتي

واختيار الشاعر مانع بن شلحاط لموقع الشاعر غازي البراك يدل على نجاح الموقع وتميزه

كلام ابن شلحاط على العين وعلى الراس والشيخ فهد بن ناهس يستاهل المدح وموقع غازي اصبح وجهه اعلاميه وشعريه للجميع بفضل الجهود الجباره المبذوله