السلام عليكم ورحمة الله وبركاته
قصه لاأعلم عن زمنها المهم انه
في اخوان ثنين واحد مطوع والثاني ازكرت " زكرتي " واليا من اصبح الزكرتي في الصباح اخذ طيره سلوقيه معه وطلع, والرجال راعي مقناص بس قلبه خضر وهم الاخوان يتمان امهم وابوهم متوفين ولهم خاله بعيده عنهم شويه يعني مطرفه بعيد عنهم
والزكرتي هذا يخدم خالته والخاله هذي عندها بنت مزيونة والرجال يحب البنت بنت خالته ( يعني يخدم الخاله عشان المزيونه ) ويبيها على وضح النقا المهم جاالليل سوا العشا وزينه وجاه اخوه الكبير وقال يافلان انا طالبك مطلوب قال الزكرتي انت اخوي انت الكبير لاتطلبني انت تامرني
قال المطوع انا طالبك مطلوب قل تم قال انا ابروح احج واباك تمسك المسجد لين اجي قال الزكرتي وانت خابرني حول مسجد انا اروح الصيد وانت عارفني اخدم الخاله قال: المطوع
الخاله تجيها يوم الجمعه لان ماعندناجمعه في الديرة هنا انت تصلي من يوم السبت لين يوم الجمعه الفجرثم تروح لخالتك وتخدمها..
وترجع العصر قال الزكرتي من الصباح يصير خيرماندري عن الرجال هو يهون ولا يستخير ولا اخوياه مايجون الله اعلم, يوم اصحبو الا اخويا المطوع جايين, جا المطوع في المسجد قال ياالربع يوم صلابهم سامحوني وبيحوني وحللوني انا رجال حجاج, قالوا الله يستر عليك الله يستر عليك وتجي بالسلامه قالوا: بس من يمسك المسجد مكانك قال اللي بيمسكه اخوي فلان ( الزكرتي(
شافوه جماعة المسجديدرون اخوه ماهو براعي مسجد ولا راعي صلاة
قال :إن شاء الله فيه خير وقال: المطوع لخوه الزكرتي تراني معود الجماعه بعد العصر بحديث او حديثين المهم مشوا وتوادعواوعاين فيهم الزكرتي ودرى ان الحبال مسكته عاد الزكرتي صوته طيب لجا يقول الحديث " عن ابي هريرة ... هريرة "
قالوا الجماعه مشاء الله على هالصوت الزين ووليت اخوك حاج مبطي على هالصوت الطيب
المهم اخذ ثلاث او اربعة ايام فقدتهم الخاله طلعت تسأل قالت يامن يخبرني عن اليتمان ويش دنياهم وويش اخبارهم قالو اليتمان بخير ولابهم لوم واحد راح الحج والثاني في المسجد قالت الخاله اكيد اللي حج فلان اللي يجينا الزكرتي هو راعي الطروق
قالوا لاوالله اللي راح الحج المطوع وفلان ( الزكرتي ) فالمسجد قالت فلان فالمسجد قالوا نعم فلان في المسجد قالت الخاله الله يهدي من يشاء وفلان ماني خابرته راعي مسجد المهم الخاله مشت وراحت البيت وعلمت البنت بالسالفه قالت البنت انا ماصدق قالت للأم ابيك تسمحين لي ابروح اتأكد
راحت البنت للمسجد في وقت صلاة العصر يوم السادس والزكرتي يدخلالمسجد ويقول للمؤذن اقم الصلاة ويقيم الصلاة ويجي الزكرتي ويقول استوو وبيقول اعتدلوا ولا يلتفت ولا يشوف بنت خالته من عند البيت ضاربتن نفسها بالشيطان الرجيم,
عاد الزكرتي بيقول الله اكبر قال:
تعدلوايأهل القلـوب المواليـف
صفوا وراء القراي خمسة صفوفي
احلف بربي عالم السروالغيـب
انك منـاي ورغبتـي وشتياقـي
الله اكبر وصلى بهم وسلمواستحى الزكرتي وعاد وراه واحد من عيال عمه لكيع قال يافلان قال نعم قال طالبك انك تعيد الحديث اللي بين الاذان والاقامه قال الزكرتي لا يافلان هذا الحديث اسناده ضعيف ضعيف ضعيف ولا يعاد .
حاصل على ترخيص من وزارة الثقافه والاعلام السعودي
قصة قديمة اليتمان...............
رد: قصة قديمة اليتمان...............
العرض المتطور
