قصيدة ثويمرالعجوني بحفل الشيخ معيتق القعبوبي

مرحبا باسم القعابيب في كل الضيوف=عزوةٍ يكفي نبأها مع استقبالها



التفت يحاضر الحفل وعيونك تشوف=وكلمة ٍ ماهي حقيقه على من قالها



عندكم يعيال مرزوق ماقفنا مخلوف=ياسلالة شيخ كلمة نعم يزها لها



ابوعتقاء واجب الضيف عنده مايطوف=والمراجل كلها محتزم بحبالها



ارتحل ياجعل مسكنه دانيت القطوف=وعقب رجال ٍ على ذكرها يعنالها



يستقر الطيب عند أهله شي معروف=ترحل الشيبان وتورثه لعيالها



يامعيتق جارك الله من كل الصدوف=مرتك وعك خطيره وربي زالها



الشكر للخالق اللي بخلق الله يروف=واحد ٍ فيه الاوادم تعقد أمالها



أنقذك ربي ونجاك من كل الضروف=معتني في شؤون خلقه وراحم حالها



نشكر الله ثم نرفع لخالقنا الكفوف=وفي سلامتك القصائد بدا استرسالها



أتشرف عندكم بالقصيد وبالوقوف=وأتخير من بيوت القصيد إجزالها



المدايح بالقعابيب مافيه حسوف=لابة ٍ تزهى المدايح فعول رجالها



منكم اقضات العدالة قبل عام الكسوف=القضايا من طرفكم يحل إشكالها



وانتم اللي يوم وقت بالبنادق والسيوف=يوم شرهات الكحيله على خيالها



يمن اللي في طرفكم ولايا تيه خوف=عزوة ٍ وقت اللوازم يضل ضلالها



الرجال اللي خذت ذودهم قوم ٍ تحوف=استعانة بعقداكم لرد أجمالها



بالحقائق يوضعن النقط فوق الحروف=ثم تمتاز النشاما بطيب أفعالها



ومرحبا باسم القعابيب في كل الضيوف=عزوة يكفي نبأها مع استقبالها



التفت يحاضر الحفل وعيونك تشوف=وكلمة ٍ ماهي حقيقه على من قالها

******** type="text/**********">doPoem(0)***********

صح السانك ياثويمر العجوني قصيده شامخه من شاعر جزل
والقعابيب يستاهلون كل خير ونعم فيك وفيهم

صح لسان ثويمروعيال قعبوب تستاهل والحمدالله على سلامه الشيخ معيتق