قال الذي يصخر حسين الهناديب = يسوقهن سـوق العصـا لنجيبه
ماصار في فكره عن البيت تسريب = ياخذ من الصافي ويترك سريبه
يحوف بيته عن جميع العذاريب = من شان حكاي القفا ميحكيبه
يخاف من ناسن تحش العراقيب = تـاخذ وتعطي والنفاق اتعديبه
من بعد هذا مرحبا وألف ترحيب = ترحيبتن لهل الوفـا ينصخيبه
مـاهل وبلن مـن عوال النواصيب = وبـل الـمزون المردفـات الرهيبه
مزنن على اللي خايله فيه ترهيب = أليـا أختلط برقه ورعده يريبه
أو مـاسجع من فوق روس الـمذاريب = ورقن يروجع بالحون العجيبه
أو مـاطلع نجمن بسودن غيـاهيب = وبانت نجومه كلها مع رقيبه
أو ماتحيـا بـالضيوف الـمعازيب = ربعن حشـام وطولـوا بالمغيبه
بالحربي اللي صاغ بيته بترتيب = صـافي أمصفا مابه اللي يعيبه
جاني كتابه قبل الادماس تقريب = قدام تدن الشمس يمة مغيبه
وسـاعـة قريته دق ما بـالمحاديب = كنه يقلب فوق حامي لهيبه
سبت حـمود اللي نـخاني اماجيب = فيما أحتواه القلب خطه نديبه
يقـول صـادنه سهـومن معـاطيب = ونار الهوا بالقلب شبت شبيبه
ولاني بلـومه قد مضتلي تـجاريب = قدام راسي يبتدي فيه شيبه
يـاما سريت بليلتن سـرية الذيب = ذيب حداه الجوع وطلب عزيبه
علـى الشرف ما بالمـواجه من العيب = الا الوفا بين الحبيب وحبيبه
وفي لازمك يـامعرب الجد ماهيب = مطلبك في سلم العرب لعتنيبه
جـاهي ومـالي ياطوال الاشـانيب = تحت الطلب عل وعساها تجيبه
راسـي وراسـك مـانبي للمنـاديب = خلك بجنبي واستمع مبتديبه
ومـادام أهـلها يعـرفون المواجيب = المشكله سهله ولا هي أتعيبه
نجهد ونرج الله قـوي المقاضيب = ربن ماخيب من بغا يلتجيبه
لا كـان أبه بيتن تطـرقت للشيب = وتفاوت الأعمار والله مصيبه
لو أن مابه عيب شر الرعابيب = وشعذرنـا كـاننها تـدعيبه
والطيب بين الناس شرقن وتغريب = ومن طاب طيبه ياولد من نصيبه
ونقمت أعدد تطلع الشمس وتغيب = وحنـا نعد أفعول حرب العريبه
هـذا وصـلوا مدبحن الثـواقيب = علـى نبين كـلنا نقتديبه
******** type="text/**********">doPoem(0)***********
حاصل على ترخيص من وزارة الثقافه والاعلام السعودي
رد الشاعر / ناصر خنيفر الرشيدي على الشاعر/ حمود بن ناصر البدراني الحربي
العرض المتطور
