قالوا حكوا بك قلت وش هم يقولون: مرشد البذال

قالوا حكوا بك قلت وش هم يقولون=وش قيل فينا يالوجيه الفليحه
شوفوا مردُ الهرج وش هم يطرون=حتى نعرف مزوره من صحيحه
كان الكلام من المعادي على هون=بعض المسبه بالمجالس مديحه
تجيه عربانٍ من الله يخافون=عن الظليمه ينصحونه نصيحه
لو كل خلق الله على الحق يمشون=كان القلوب من الخطا مستريحه
كم واحدٍ بعروض الأجواد مفتون=وهو سلومه يفضحنه فضحيه
وكم واحدٍ يطعن وهو فيه مطعون=يذم ريح الناس والشين ريحه
بعض كلام الناس تهمات وضنون=قولٍ تنميه الوجيه الوقيحه
الظلم لو فازوا هله ما يدومون=راع الظليمه لاتباطى مطيحه
والناس هذا الناس من عصر ذالنون=كلن على دربه ركابه مشيحه
مقرود يامن بدل اللون باللون=بعض الكلام يحرفه عن صحيحه
والصدق هو والكذب ماهو بمقرون=كان إنها تدرس بلهجه فصيحه
مايمدح الرجال بالشكل واللون=إبحث معه لينك تعرف القريحه
تراك تعرف عنه وأنتم تهرجون=يبين لك من كل جودٍ نضيحه
المستريح اللي من الشك مامون=مع كل خلق الله علومه مليحه
كم واحدٍ حيٍ له الناس يثنون=وإلا توفى قالوا الله يبيحه
وكم واحد لو هو باالألحاد مدفون=ذكراه عند الناس بيضا صفيحه
وكم واحدٍ يجمع ملايين وخزون=مالٍ تنميه اليدين الشحيحه
لا تشكره رملى ولا فك مديون=ولا حل مشكلة النطيح ونطيحه
ولا له على جاره من الفضل ماعون=لو إن جيرانه تشوف الذبيحه
وكم واحدٍ جيران بيته يحمدون=للجار ريف وللجماعه منيحه
وكم واحدٍ منه العوادي يخافون=زبن المخيف اللي كثيرن فحيحه
ربعه نهار الضيق فيه يتذرون=لا جا نهارٍ فيه لجه وصيحه
وبعض الرجال بهم شريفين وعفون=كلن على ماقال يرجع لكيحه
وبعض الرجال بضحكهم يستغلون=يجيبها من نوع زلقه بطيحه
هذاك بين له من الهرج مدفون=خله إلا شافك يزين سميحه
الهرج له نقال والرد للشون=مزح الجزع يثر بكبدك جريحه
هذا وأنا ماني من الناس ملسون=لاشك أرفض من تزايد جميحه
قلته وكل الناس غيري يقولون=راع الظليمه لا تباطى مطيحه

******** type="text/**********">doPoem(0)***********
الشاعر المرحوم / مرشد البذال الرشيدي

	ملاحضه تم نقل القصيده بدون اي تعديل عليها اذا فيها اي ملاحضات في من الناشر الاول

بيض الله وجهك يا ابو يوسف على
الاختيار الرايع

المشاركة الأصلية كتبت بواسطة ابو براك الرياض

بيض الله وجهك ياو يوسف على
الاختيار الرايع

وجهك

اشكرك على مرورك لاعدمناك

[quote=غازي البراك;105]

وكم واحد لو هو باالألحاد مدفون=ذكراه عند الناس بيضا صفيحه

******** type="text/**********">doPoem(0)***********

السلام عليكم ورحمة الله وبركاتة

الله يعطيك العافيه يابويوسف على نقل هذه القصيدة التي كلها حكم

الله يغفر ويرحم مرشد البذال وعزة الله ان ذكراه عند الناس بيضا صفيحه


هذه القصيد يابويوسف دايما ارددها بيني وبين نفسي

وكنا نردد هذا البيت بالذات ايام الاحتلال الصدامي الغاشم لدولة الكويت ونردد

الظلـم لـو فـازوا هـلـه مــا يـدومـون=راع الظـلـيـمـه لاتـبـاطــى مـطـيـحــه

******** type="text/**********">doPoem(0)***********

ابو يوسف

بيض الله وجهك على نقل هذه القصيدة التي تحوي الكثير من المعاني السامية والجليلة في نفس الوقت

ورحم الله شاعرها واسكنه فسيح جناته

تقبل مروري وتحاتي

ابو يوسف

بيض الله وجهك على نقل هذه القصيدة التي تحوي الكثير من المعاني السامية والجليلة في نفس الوقت

ورحم الله شاعرها واسكنه فسيح جناته

تقبل مروري وتحاتي

صح لسان قايلها وتسلم على نقلها

بيض الله وجهك

قصيده رايعه جدا

اختيار مميز


وذوق رفيع



كل الشكر لك


ورحم الله قايلها