هذه محاوره جرت في احد الحفلات بين الشاعر طارق بن نايف وشاعر المعنى سالم سلمان وكانت رباعيه فيها الشاعر الكبير غازي البراك ضد الشاعر سعدون العنزي اتمنى ان ينال اعجابكم هذا الطاروق
طارق بن نايف
سلامي عليكم يالرجال المناعير = هل الطيب واهل الجود واهل الشهامه
سالم سلمان
سمعنا وسلمنا والدعاوي تياسير = هل مرحبا باهل الوفا والزعامه
طارق بن نايف
نبى سالم يورد على جمة البير = ولكن سالم ماحصله مرامه
سالم سلمان
سفير الكويت اللي يعرف الشواعير = يحسبن ابن عمه تراخى حزامه
طارق بن نايف
ياسالم ترى ماهي حلوم وتفاسير = ماهو ذنبنا لارحت يم الندامه
سالم سلمان
نويت ارضي الشعار وارض الجماهير = وعسى منظم الميدان يضبط نظامه
طارق بن نايف
لياصفو اهل الخيل قدم الطوابير = يبين الكريم اللي يمد الكرامه
سالم سلمان
نشوف الخيال ولاوصلنا التباشير = يامال المعونه والبقا والسلامه
طارق بن نايف
صقور الفضا ماهي بمثل العصافير = وانا هامتي تنشاف مع كل هامه
حاصل على ترخيص من وزارة الثقافه والاعلام السعودي
شاعر المعنى سالم سلمان وطارق بن نايف
العرض المتطور
