قصيده للشاعر / عبدربه العتيبي
عـلاك الله وأمانِـه ياقصـيـدي =مـن الـزلات وهـروج البليـدي
أبا أبدع بـك طـروقٍ سامريـة=لحنها يجذب اللـي مـن بعيـدي
ماغناّهـا عبـادي وأبـو نـورة=ولا خالـد ولا عبـد المجـيـدي
لكـنـك لا تفشّلـنـي دخيـلـك=تراني معتبـرك أغلـى رصيـدي
ما أباك من المعاني هرج فاضـي=ولا عـذرٍ لمـن يطلـب جديـدي
أبـاك تصيـر ذخـرٍ لاعدمـتـك=وسيفٍ مثل سيف ابـن الوليـدي
وأباك ليـا نشدنـي عنـك خيِّـر=تفيـده كـان يبغـا يستفـيـدي
تفيـده بالحكـم وألاّ النصـايـح=وعطه العلـم والـراي السديـدي
وقلّـه ياولـد دنـيـاك هــاذي=تراهـا مثـل تكويـن الجليـدي
لعنهـا الله وأبغضهـا رسـولـه=ياكم فيها شقـي وكـم سعيـدي
مايمدحها سـوى رجَّـال جاهـل=يجمّعـهـا لعـلـه مايـفـيـدي
ولا منّـك طلبتـه شـئ عـيَّـا=شحيـحٍ مـا يمـد ألاَّ الزهيـدي
عن الماجوب ماغيـر ايتدسّـس=وعلى الغـرّات شيطـانٍ مريـدي
سوات الحصني اللي طول عمـره=يـروّغ لا يصـاد ولا يصـيـدي
وحكيم العقـل يعـرف خاتمتهـا=تواعدنا وتكـذب فـي الوعيـدي
متـاعٍ عنـد خلـق الله موقَّـت=كما وقـتٍ يجـي فيـه الزبيـدي
مافيهـا غيـر ثنتيـنٍ خـيـارا=وثالثهن تـرى ماهـوب أكيـدي
ذكـر ربـي ومحبوبـه محـمَّـد=هي أفضل شئ في دنيا العبيـدي
وثالثهـن ليـا ماخـاب ظـنّـي=مخـوّة طيّـب الأصـل الفريـدي
هـذاك اللـي يعـزّك مايـذلّـك=لاصارت خوّته خـوّة رشيـدي
بدون قصور فـي بـاق القبائـل=هل الطـالات والفعـل الحميـدي
هذا عرفـي ومـا يمليـه رايـي=وعرفي كان ما ينقـص يزيـدي
لكنـه مايزيـد اعـن العـوارف=أنا أردا واحـدٍ عـرف وقصيـدي
أقولـه ماعلـيّ مـن المـلامـة=أنا أعرف وش رداي ووّيش جيدي
ولا أخشى من فـلان ولا فلانـي=ولا أناديـه ياعمـي ياسـيـدي
ما أخاف ألا من الخـلاّق وحـده=غفور الذنـب وعقابـه شديـدي
تـرا هـاذي نصيحـة واقبلوهـا=مادام الموت في حبـل الوريـدي
وخيـر القـول كلـه طاعـة الله=ياويل اللي عن اكتابـه يحيـدي
******** type="text/**********">doPoem(0)***********
منقول
حاصل على ترخيص من وزارة الثقافه والاعلام السعودي
خوة رشيدي للشاعر عبدربه العتيبي
العرض العادي
