هيكل جسم..مخلوق..ثوبه مغطيه..!!

قصيدة
للشاعر القدير
سليمان بن ساير العويمري الرشيدي
..
.
[poem=font="simplified arabic,6,darkblue,bold,normal" bkcolor="white" bkimage="" border="double,4,green" type=2 line=0 align=center use=ex num="0,black""]
يامل قلب(ن) ساريات(ن) سواريه=قلب(ن) سرى بي ساري(ن) فيه ساري
قلب(ن) ليا امسى الليل دكّت طواريه=يدك به مع دك الادماس طاري
طواري(ن) منهن برى الهم راعيه=لين أودعنّـه حال والعظم باري
هيكل جِسِم مخلوق ثوبه مغطّيه=رجواي في مِذري هبوب الذواري
يجلى هموم اللّي همومه تْجزّيه=ومن لذ نومه يقعدِنّه إجباري
وليا غفى بالنوم همّه يصحيه=أصبح مع الضيقات بايع وشاري
في وسط سوق(ن) ضايقات(ن) مساعيه=ماهو على كيفي ولا بإختياري
واسج واسرح واونس الهم واخفيه=ولااشكي لغير اللّي عن الغيب داري
الناس من يشكي لهم شمّتوا فيه=من هرجهم يصبح من العقل عاري
صبر الفتى كنز(ن) عن المال يغنيه=إليا اقتنع باللّي من الرّب جاري
وترى القناعه ترفعه ما توطِّيه=لوكان يرقد بين سحم الضواري
[/poem]