وضاح
مـاش عنـدي سـلام ولاش عنـدي تحـايـا=عندي الموت الاحمر من بغاله يجيله
مـن بـلاد اليمـن جينـا نـحـث المطـايـا=والهدف راس شاعر شمل ولا زميله
المهترش
واحــدٍ مايسـلـم مـالـه الا الـزوايــا=ينزوي بالزوايا لين يبـرد غليلـه
عـاد وش معـك يـاوارد حيـاض المنايـا=ما انت قايد جهام ولانت رئس قبيله
وضاح
الزوايـا تـقـال المتـرفـات الصبـايـا=والرجل يحترم نفسه ويدراء قبيله
القـب نزلـه لـلـي يـقـود السـرايـا=شاعر الكل يبار العميل بعميلـه
المهترش
يامخالـف عـن السنـه ماعنـدي هـدايـا=من يخالف سلوم الناس واعزتيلـه
القـب لقبـونـي فـيـه كــل البـرايـا=وبو وزره هبوب الريح يطرق شليله
وضاح
منهـو اللـي مخالـف ياخبيـث النوايـا=انت تنها عن المنكر وصرت تعديله
لاتجي في طريق اسبـاع صنعـا القوايـا=اختفو ياعوت جوعا باراس الطويله
المهترش
انت مخطـي وحنـا مانحـب الخطايـا=واحـدٍ مايسلـم ضيـع الله دليلـه
يابـن صنعـا قبـل تضحـك بليـا ثنايـا=اختفو ربعك اهل القاز واهل الفتيله
وضاح
كيف اسلـم اوجهـك فيـه خمسـة كوايـا=من كثير الكوايا صار بالوجه ميلـه
يابـن حايـل قبـل تاحـذ لقـب لطنايـا=وش حصل بالقب من بين يومن وليله
المهترش
ابك وجهـي بضفـه كلبوكـم رعايـا=ياكبار البطون مخاشرين الحليلـه
الطنايا سلايـل عبـس ماهـم هفايـا=وانت حايل ماشفته يالبعير الهميله
وضاح
قبل ترعا العرب وش صاربك بالبدايا= يوم خليت نجد ورحت يم المسيله
حسنتن واحده وذيت فيها اقصرايا= وطيبهم قبل طيبك بالعلوم الجليله
المهترش
كم فرقنا جموع وكم سبينـا سبايـا=يوم كلن من الفتنه يولع سبيلـه
ويوم جينا النشاما طيبيـن السجايـا=قلطونا وحنا اهل القنا ولا صيله
وضاح
مافرقتم جموع حضير وسط القرايـا=كل واحد على عاره يروي صميله
والبقيـه ابـداه يتوبعـون الشغايـا=يتبعون الحيا لالاح برق المخيلـه
المهترش
انت يمناك تبسطها لبيض العطايـا=بارك الله بناسن ماتمـد القليلـه
فوق هاك الونيت اللي عليه الحنايا=تفتخر فيه لاونه مقفـي مديلـه
وضاح
مابسطنا اليدين الا لرب البرايـا=والرجل يظلم مسلم فضلمه يجيله
امدح المهترش لكن هذا جزايـا=مدتي طيبه ويردها لي هزيلـه
المهترش
مالك الا تحمل ياغريـب المزايـا=مانفع فيك طبي للقلـوب العليلـه
تحسب انك قضيه من كبار القضايا=مادريت اني اعذبك بهون وسيلـه
حاصل على ترخيص من وزارة الثقافه والاعلام السعودي
محاورة وضاح اليمن والمهترش
العرض الشجري