قصيدة موجهه للعمدة من شاعر الشمل

اقتباس:
المشاركة الأصلية كتبت بواسطة ناصر خنيفر
اقتباس:
المشاركة الأصلية كتبت بواسطة شاعر الشمل

سعادة العمدة

السادة اعضاء موقع الشاعر غازي البراك،أعجبتني شجاعة وضاح اليمن ،بهجومه على اقوى شاعر بالموقع (المهترش الشاعر المبدع) ولو لقنه المهترش هزيمة ٍ نكرا ، إلا أن الشجيع يبقى شجيع وانهزام المحتال (المتسمي بشاعر الجميع)وعلى شأن شجاعته ،مع تخوفي من ولد ٍ مثل وسرساح ابت نفسي أن اسوي هذه القصيدة وهي تعبر عن نفسها

[poem=font="traditional arabic,6,darkblue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
سلام يالعمدة اللي تفعل المعروف والطيب=سلام ٍ احلا وألذ من الربحلا والزبيدي

في فيضة ٍ مقفره ماطبها ألا شمّخ النيب=ترعا هيت بين شبره والبعايث والقفيدي

تستأهل الطيب يالطيب وألي عندك مطاليب=ان كان لبيتها وألا بلاش اشرح واعيدي

ابي وجهاك على وضاح اخو سيد الرعابيب=الحب بلوى رماني في محبة بنت زيدي

زيدية ٍ مالحقني في نسبها الشك والريب=حبيتها والغلا جرّح معاليق الوريدي

تكفى تعجل عليه قبل شمس اليوم ماتغيب=تراي من حبها كني يابو تركي وحيدي

ماغير اسج القدم واعوي مثل مايعوي الذيب=لاجاع والليل ظلمى وابعدوا عنه الشديدي

خابرك تارد على هداج في قل المشاريب=بالسيف شامان وألا بالمقارع والقصيدي

والشيء في دبرة اللي عالم ٍ بالسر والغيب= لكن ماني بخاسر لاتنحرت الرشيدي
[/poem]

يالله حيه صح السانك واسمحلي بالرد اللي على عجل وعز الله ان طرقك ماهو غريب علي

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black""]
يامرحبا مانهزع بالروض زملوق النبانيب = ساقاه وبل الوسوم وطالعن نبته جديدي
وماغنت الورق بغصون وعلى روس المذاريب = تلعي طرب فوقها رش الخيال اللي سديدي
ومن بعد هذا لفنا بيوت مافيها عذاريب = من شاعرن لاي طرق من الشعر فنه يجيدي
يطلب وجاهي وانا حاضر له بكل المواجيب= لكن اخاف الدعاوي ماتجي فيما نريدي
الاوله خاف تحدث مشكله وانت الاسابيب=تنحاش بنت الرشيدي كان شافت بنت زيدي
وتيصر بعض الكوارث تشلع اطناب ومناسيب = تروح بنت الرشيدي وانت مانته مستفيدي
والثانيه سلم خلق الله عمل بالناس تجنيب = الله يكيد العناصر جابو العلم المكيدي
وانكان تكفل هلك مايصير لجاتن وتعقيب = ابشر بجاهي وسلم مابقا داخل رصيدي
واهل اليمن من شروط مهورهم تحظيرت الجيب = جبين صحن منوت الزيدي مع الدرب البعيدي
وعزالله اني مشبه في لحون اهل الهانديب = انته قبل عام مانته بين ابان وبين فيدي
[/poem]



صح لسانك ابو تركي على الرد الرائع والقصيدة الوافية
واعذرني على التاخير
وشكري للجميع على ردودهم الطيبه