يامرحبا يابن الحنيني ملايين

هذه القصيدة التي قالها الشاعر / فهد بن معيلي العجوني الرشيدي بمناسبة الحفل الذي اقامه الشيخ / محمد بن عبيد بن عجوين الرشيدي تكريماً للشاعر سالم بن عتقاء الحربي حيث ارسلت القصيدة والقيت بهذه المناسبه ولوجود اخطاء وقعنا بها بسبب انها مرسله بالفاكس وعدم وضوحها فأليكم هذه القصيدة ومعذره من الجميع شاعر القصيدة والاشخاص الموجهه للهم بتأخيرها

يامرحبا يابن الحنيني ملايين

[poem=font="simplified arabic,6,black,normal,normal" bkcolor="transparent" bkimage="" border="double,7,gray" type=2 line=0 align=center use=ex num="0,black""]

يامرحبا باسم محن السكاكين= من دم حيل (ن) ذبحت لجل ضيفه
محمد بن عبيد واف الموازين= شيخ(ن) علومه بالمراجل منيفه
البيض عقبهن سميه وهالحين= محمد بن عبيد يبقى الخليفه
بالطيب وفعول الكرم ذكره يبين= يمناه دايم بالمراجل ذريفه
هلا هلا باللي على الدار لافين= حي الرسايل والبيوت النظيفه
بيوت شاعر فاهم(ن) بالقوانين= صيده جزيل(ن) مايصيد الضعيفه
يمدح بها ربع(ن) على المدح ظارين= بني رشيد مطوعين العسيفه
امجادهم يشهد لها اعصور وسنين= من وقت عبس(ن) والصحابي حذيفه
يامرحبا يابن الحنيني ملايين= من قلب مخلص والنوايا نظيفه
انتم ربوع ابن جديع العزيزين= اذكاركم مثل الجبال المنيفه
يافخر حرب مطوعين العنيدين= لاثارت الهيجاء ثنو للظعيفه
وحرب(ب) محاربة الدول والضريرين= صوارم(ن) وقت الملاقاء مخيفه
ومن حرب أخو حسنا زعيم الشجيعين= شريدة الفرسان لقفت نكيفه
وابن نحيت اللي على الطيب والزين= رقى سنام المجد ماهو رديفه
وأهل الوفاء والطيب ماهو قليلين= اللي سكن بالبر واللي بسيفه
الطيب يبقاله رجال ومضامين= تاريخ صادق مادخل فيه زيفه
واليوم في حكم رجال الميامين= أهل الفعول المعجزات الكليفه
من يوم وحدنا معزي على الدين= الشر ولا والعدل بالنصيفه
وصلوا على محمد شفيع المصلين= نبي الامه يوم تطوى الصحيفه
[/poem]


الشاعر / فهد بن معيلي العجوني