قصيدة ثويمرالعجوني بحفل الملازم طيار/ فايد البراك

هذه القصيده قلتها بحفل تخرج الملازم طيار
فايد بن نايض بن فايد بن سالم البراك

[poem=font="simplified arabic,6,black,bold,normal" bkcolor="transparent" bkimage="" border="double,5,gray" type=1 line=0 align=center use=ex num="0,black""]
ياهاجس الشعر جاء للشعر ميعاده=تـكـفى تـنـق الفـرايد ثــم عـطنيها
تـراي خـابـرك بالميـقـاف لـك عاده=الـيا طلبتك طلباتي تلبيها
عطني جزيل الفرايد وأتـرك الساده=ابي قصيده تبيض وجه راعيها
الـليله الحــفــل يــوجـد فــيه نــقاده=وابا أتجمل من البراك وأرضيها
خــص الســوالم لهـم تقـديرآ زياده=ولهم معزه بصدري ليه اخفيها
قوم ٍ على العز والونوماس معتاده=وفعالهم بينه ماأحد جهل فيها
افـعول فـايد وابـا البرد مع اضداده=تكفي عن اول فعايلهم وتاليها
وفـهـيد ضـد الخصيم ان زودعناده=النفس ماهوعن الموت امتدريها
يامـنـبع الـعـز مـصــداره ومــيراده=من كثر الافعال والله مقدر أحصيها
كــل السوالم عـيـال فـهـيد وحـفاده=الهم مكانه كبير وفتخر فيها
وحضرت ابـارك لأبوفايد ولأولاده=بالحفله اللي لأجل فايد مسويها
الـكابـتن الـلي تهـمه خـدمـة بلاده=وحماية اجواء السعوديه وأراضيها
لأيـات طاري تحـرى اوامر القاده=الروح لاوامر ال سعود مهديها
ماهو من اللي لداره زادت احقاده=اللي على القول حاميها حراميها
من عـزوة تـرتـقي للعز وأمجاده=ناس ٍعلى العز ثابتن مبانيها
تـراه مـن عبس ياللي عنه نشاده=قومن دروب الخيانه ماتدانيها
يسعى ورى نبذة الارهاب وإبعاده=الدار بالروح والاموال يفديها
حب الوطن ورث ابوه وارث لأجداده=يجري مع عروق دمه في مجاريها
وبالعلم حصل سنام المجد وشداده=وشهادة ٍكل دوله تعترف فيها
ماطاب له عن حصاد العلم مقعاده=دائم ونفسه على العليا مضريها[/poem]

الشاعر / ثويمر العجوني