سلام ياحامل على متنه التاج

[poem=font="simplified arabic,6,black,normal,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
سلام ياحامل على متنه التاج=ونجمه يشرف لبسها بالبدالي
سلام ريح العود من مبخره فاج=سلام في مبداء القصيدة وتالي
العنبر الخالص يجي حولها اسياج=يستاهل له معط العطايا الجزالي
يامن بطيبه كنه بوصف هداج=ماهزته كثر الدلي بالحبالي
جيت امدحك وانا على نفسي احراج=اخاف لاكمل جميع الخصالي
لك في جميع الطيب مدخل ومخراج= جارالله الوافي عريب الخوالي
الطيب ساسك جاك من جدك ادراج=هقواتك اكبر من خشوم الجبالي
اللي اعرفه عنك من جاك محتاج=ينسى الهموم وقاسيات الليالي
وجتك البيوت اللي جديدات ونتاج=من شاعر (ن) يشرب قراح الزلالي
[/poem]