قصيده وصلتني بعنوان يانوف
------------------------------------------------------------
يانوف
يانـوف دمع العين مثل الهـمالـيل
يـانـوف عـيـنـي توجــاهـا بـلاها
مـن يوم عـيسى مايرد المراسـيل
لاوالـله إلا عـيـني اقـبـل شــقـاها
اتلا الخبر في صاحبي تالي الليل
عقب القمر ماغاب مروي ظماها
واليوم انشد عنه مع طلعت اسهيل
ونـشـد عـنه في كـل ديره مشاها
يـانـوف عــيسى مـاتـرده تـزاويـل
حتى حياض المـوت يارد الماها
وهذا مردي على مرسل قصيدة (يانوف)
بعنوان 000الغرابيل
-------------------------------------------------------------------
الغرابيل
يقول من وقـته سقاه الغـرابيل==== والفـت عـليـه أيـام مظلـم سماها
ولازال وقـته ينعـته با المقابيل==== ديـمـوم هـمه ساق مـزنه هـواها
ياناشدن عـني مـع اطلالت سهيل==== ويا منـشـد افياظـن مشينا وطاها
اسمع كلامي جـاك فـيه التفاصيل==== بردن جلاد اوجاش صدري هجاها
خلـك فطين وحلـل الهـرج تحليل==== دامك بغيت اخبار مروي ظماها
شيـن مضالي فـاق مايـبرد الحـيل==== واخـر مطاليب الحـذايا احـذاها
ساعه وكاد وساعـه اخـرى تماثيل==== ستين يوم أيـنـد قبره ثراها
سودا سود ماحـوله الا غـراميل==== وشيـبوب ناره لايغـرك سناها
يضح الضحا ويبين هرج المواويل==== دامـك بعـيد وقصها في قفاها
هذا وانا مابيك تـنشـد هـل القـيل==== خـل الظوامي مرتعـه في احماها
وقطع مطالـيب الرجاءوالمواصيل==== وقطع احبالن شيدة من ارشاها
ياصاح هـذا القـول مافـيه تـبديل==== واسلم وسامحني بليـلن غـشاها
حاصل على ترخيص من وزارة الثقافه والاعلام السعودي
يانوف دمع العين مثل الشخاتيل
العرض الشجري