قصيدة ثويمر العجوني في تكريم عايض عوض العجوني

يامرحبا في جميع الحفل وحضوره=في حفل ربعن بعيداتن هقاويها

ترحيبت ٍ تنتقل بالصوت والصوره=واجب علينا لحضور الحفل نهديها

في حفل ربعن بفعل الطيب مشهوره=قبيلتي تاج راسي وأفتخر فيها

عجاونه عمرها ماتعرف البوره=معروفة ٍ بأول الدنيا وتاليها

البيض مبطي لبن عجوين منشوره=احد سمعها وأحد بالكتب قاريها

قدام لايوحد العربان اخو نوره=يوم القبائل تعوش من مغازيها

والعجوني يشبع الجايع على سوره=والضيف يلقى الذبائح في صيانيها

يوم إن الأحوال هاك الوقت مستوره=ماكل من جاته ضيوفن ٍ يعشيها

وربعي مسجل لها التاريخ بسطوره=فعايل ٍ ماحدن يقدر يخفيها

من دون تعريف يالمحفل وجمهوره=تدري بها الناس قاصيها ودانيها

الناس تدري بصدق الهرج من زوره=ماهي على كيف من يبغى يسويها

قريحتيي بالشعر ماانتي بمعذوره=شرهات ربعي عليه ويش يرضيها

يوم الشواعير كلن َ جاب ميسوره=هيضي بالأبيات والشاعر يغنيها

لاصار ماانتي ببدع القاف معسوره=قصيدة الحفل أبشيب قوافيها

الشعر ورثن لجدي واعتلي كوره=وأبدع بيوتن عن الشين متنقيها

في حفل تكريم رجل ٍ طالة شبوره=أعلى بروج المراجل يعتلي فيها

لأبو محمد مساعي طيب مشكوره=مواقفه بالمدايح مانوفيها

والله لويعبر الشاعرعن شعوره=يافعول عايض عوض ماعاد يحصيها

أمجاد طيبن من الجدان ماثوره=ماهي على رأس عايض مبتدي فيها

من عائله بالكرم والطيب مذكوره=تورث الطيب حاضرها وماضيها

عيال طالب خذو بالمرجله دوره=حقائق العلم تطلق وجه راويها

ولأهان من قام بالحفل وعطى شوره=تعرف هل الطيب لوماعد اسأميها

ولاهي علينا فعول الطيب مقصوره=كل القبائل توقف دون عانيها

طيب وكرم منتشر في كل معموره=وفعائل الطيب ترفع رأس راعيها

ويامرحبا في جميع الحفل وحضوره=في حفل ربعن بعيداتن هقاويها

******** type="text/**********">doPoem(0)***********