مدام سمّيت بسمك ليه تنسيني=اعز مخلوق عندي فيك سمّيته

السلام عليكم ورحمة الله واضع بين يديكم الكريمه هذه الابيات المتواضعه
لعلّها تشفع لي عن الغياب وتصل لحسن ذائقتكم الراقيه 0 واقول

ابشر وتامر وانا برقبتي لك ديني=واللي مثل حضرتك لاقال لبّيته
اليوم زدت ابغلاك وزنت في عيني=وعن غيرك القلب يالمزيون صكّيته
ومادام هجرك مضى له وقت وسنيني=ماهوب عذرن تقول الرّقم نسيته
كل ليل في نومي اشوفك تحاكيني=وافز من مرقدي واقول ياليته
ولو طال هجرك ولو طال العنا فيني=يبقى الغلا لك بقلبي عامرن بيته
ومادام سمّيت بسمك ليه تنسيني=اعز مخلوق عندي فيك سمّيته
يكفي ويكفي ويكفي لاتبكّيني=كم ليلتن منك صافي الدّمع هلّيته
همّك كبيرن بقلبي والله ايعيني=ومافيه شيّن بقلبي عنك خفّيته
بعدك مماتي وقربن منك يحييني=يشهد علي واحدن بالسّر ناجيته

******** type="text/**********">doPoem(0)***********وسلامتكم