عبس الشرف ما هزها هرج ذره – للشاعر يوسف فليّح
قصيدة شاعر معلقة مدح القبائل الشاعر يوسف بن فليّح الرشيدي
ياهاجسـي طـب البـحـر هــات دره
وما كل من طب البحر قيـل سبـاح
ياعبـس بـان العلـم خـيـره وشــره
ودكتورة التلفيق من فوق الارماح
ياعبـس عقـل المخطيـه مـن يفـره
والكابـتـن الطـيًـار يحـتـاج مـــلاّح
والكـلـب لاهــرول وبالـقـاع جــره
يتبـع اثــر عـمـه بجـيـه ومــرواح
الصوت جره يا اسود الوجـه جـره
عاداتنـا مانحسـب احـسـاب نـبّـاح
والـلـي يــدور لــه حـلـيـبٍ يـــدره
يبشـر بعبسـيٍ تحيـزم لـه اســلاح
واللـي تبـع غـاوي وبالهـرج غـره
من عقبها يصبح على كـل ملـواح
عر الذي يخطـي مـن النـاس عـره
عره من سلوم العرب وين مـاراح
حنـا الشـرف حنـا نـجـوم المـجـره
وطويـق ماهزَتْـه صلفـات الاريـاح
عبـس الشـرف ماهزهـا هـرج ذره
اللـي تحسـب العـز خــوخٍ وتـفـاح
جتـنـا مــن الاردن وبالكـبـد حــره
جتنا من الاردن تبي كسب الارباح
واللـي قـدح فــي سلمـنـا مانـسـره
واللـي يهـرج العـار ياصلـه ذبــاح
عديـتـهـا مــــره و مــــره ومــــره
متـى علـى الله هـم قلبـي ويـنـزاح
حاصل على ترخيص من وزارة الثقافه والاعلام السعودي
عبس الشرف ماهزها هرج ذره للشاعر يوسف بن فليح الرشيدي
العرض الشجري