ياوجودي كل ماحل طاريها عصير ** وجد من حلت عليه المصيبه وابتلش

السلام عليكم ورحمة الله وبركاته
اعتذر عن انقطاعي يالربع للظروف خاصه وان شاء الله تعذرونا وخصوصن ابو يوسف طول الله بعمره وحبيت اصافحكم بقصيدة وجد واتمنى ان تحوز على رضاكم

[poem=font="courier new,5,darkblue,bold,normal" bkcolor="sienna" bkimage="backgrounds/23.gif" border="solid,4,darkblue" type=2 line=0 align=center use=sp num="0,black""]

ياوجودي كل ماحل طاريها عصير
وجد من حلت عليه المصيبه وبتلش
=
شايبن في هالزمن لاعوين ولا نصير
كافح ابدنياه للينن مجهوده مررش
=
له بناتن سبع واصغر بنياته عبير
والمره ماتت قبل عام من حما شلش
=
ست منهن راحن بحادث وعينه تنير
طالع اجثثهن قدم عينه وعقله فرش
=
صاح ب علا الصوت يامي يانور وغدير
ياجواهر بنت ابوها يانوره يا وحش
=
راجعات من المدارس وناطحهن صغير
ايتعلم لسواقه ومسرع وارتبش
=
لف طارت موتره بس جاهن مستدير
كن صدام المويتر يقول اقلط تعش
=
قام يدفن في جثثهن ومدموعه غزير
تقل خيال ابررديه على البيدا يرش
=
مابقى الا اصغر بناته ماتدري وش يصير
جاهله ماتفهم العلم لو شافت نعش
=
ذا وجودي ياجماعه ليا لد النظير
في هنوفن تنشف الريق وتزيد العطش
=
ويامتيعب ياعسى عن جفاها تستخير
وارتوي بالحب معها وقلبي ينتعش

[/poem]

الشاعر عواض خلف