طعني وحاول

ياهيه يامقفي ترى الصد قتال
مامن وراه الا الهجر والشتاتي
احذر قبل لاتحط ذكره على البال
طعني وحاول تحتفظ في وصاتي
ازعل سنه وشهور وايام وليال
غيبتك لو طالت مع الوقت تاتي
اعيش في ذكراك واضربلك امال
تعود لي بايامك المقبلاتي
لابد مااشوفك مع الوقت لوطال
ولابد ماحقق معاك امنياتي
اهم شي الصد ياسمح الاقبال
والا بغيره سو كل السواتي
دام الخطاء بالادمي نوع واشكال
ماحدن عصم غير النبي بالحياتي
وان كان تبغالك على البعد مدخال
قررت بالفرقاء بلى مقدماتي