قصيده مهداه
لشيخ/
حمد رشيد بن عجوين
خط القلم بيت القصيده ومعناه
من هاجسٍ بالشعر يصخر فنونه
في حفل إبن عجوين خطٍ كتبناه
وسط الورق تقرونه و تكتبونه
ياهل السيوف اللاحمات المحناه
في مدح صرح ماتهزهز اركونه
حمد حمد ابو مساعد مدحناه
قدام لا روس العرب يمدحونه
من طيب ساسه وطيب راسه ومجناه
من روس عبس وعبس خلفه ودونه
عبس الكرم والجود والوجه والجاه
وعز الخوي من عز ربع و نمونه
وسقم العداء هم منوه اللي تمناه
تكحل عيونه لين تعمي عيونه
هذا وانامن روس قوم مسماه
عوازم عد الروى يا ردونه
عند اللوازم كم عقدٍ طرحناه
وكم فارس من مهرته يطرحونه
سلايل إكريبان وفعايل ابناه
تشهد وشاهد علمهم يثبتونه
عدوهم من هم يشوف المعاناه
ويعيش في ذل وجهاد ومهونه
وخويهم منهم و تظحك ثناه
ومايشوف منهم غير عز ومصونه
من دون قصور بالقبايل ونفداه
بأرواحنا والعون قبل المعونه
لنه ولد عودٍ على الطيب مبداه
رشيد بالعلم الوفي يذكرنه
أقصاه من روس الزحازيح وادناه
من روس قوم حدهم يحتمونه
وحمد حمد ابو مساعد عرفناه
في ماقفٍ كل العرب يعرفونه
ومن يجهل افعول ابن عجوين بعداه
كل العرب وابناء العرب يجهونه
حظرت أبارك له بحفلٍ حظرناه
حفلٍ صناديد العرب يحظرونه
وهنيت كل اللي بالابيات هناه
على النقاء وشاركة من ياصلونه
بابيات شعرٍ من هجوسي منقاه
من هاجسي بيت الشعر تسمعونه
اليامدحنا بالشعر من مدحناه
تاكد ان المدح يستاهلونه
اهل البيوت اللي على العز مبناه
والمدح بحرٍ بالشعر يسبحونه
وهبه من الله عالمٍ ماقصدناه
وبيت القصيده بالشعر يقصدونه
بامر القدير المقتدر لاطلبناه
مدح الزحول بخط مايطلبونه
ومدح الزحول ينومس الراس طرياه
وطاري النشاما مايخيب ظنونه
وظنون شاعر لابدا الشعر يناه
بامر الذي كون كيانه وكونه
وصلو على المبعوث تحت امر مولاه
الواحد القادر بكافه و نونه
الشاعر/
نايف بن دكيم العازمي
حاصل على ترخيص من وزارة الثقافه والاعلام السعودي
فهد محياء ابوتركي
العرض الشجري