نبذ الخلاف وفتح صفحه جديده

اسعد الله اوقاتكم بكل خير
::::::::::::::::::::::::::::::
يالله يالي تعلم الجهر والغيب
.............يامنزل القرآن رحمه لعبيده

انك تعز جنودنا ولمعازيب
..........وتدحر هل الأرهاب وأهل المكيده

ياللي شرعت العيد عباده وتهذيب
..................انك علينا كل عامٍ تعيده

العيد فرحة قلب وصل ومواجيب
............العيد ماهو بالثياب الجديده

أول تعايد والدينك بترتيب
...........اكبر فرح بالعيد وصلك يزيده

وعمك وخالك منك يامنبع الطيب
..........هذي تراها من الصفات الحميده

وعايد على اللي هده الكبر والشيب
.............ومن اولٍ كانت عظامه شديده

وقدم مع الأعياد حب وتراحيب
.............ترا مع الأعياد فرصه سعيده

ابد التسامح مع جميع الأصاحيب
........ونبذ الخلاف وفتح صفحه جديده