قصيدة موسى بحاجروابن عمه عتيق

اهداء من الشاعر/ موسى بن عمران الرشيدي إلى كل من
الشيخ/ عتيق بن محمد بن عجوين الرشيدي وبن عمه
الشيخ / حاجر بن حامد بن عجوين الرشيدي

[poem=font="simplified arabic,7,white,bold,normal" bkcolor="transparent" bkimage="backgrounds/10.gif" border="double,4,black" type=1 line=0 align=center use=ex num="0,black""]
بيض الله وجه حاجر وابن عمه=عدماعدو كرينين السبالي

يابن حامد قل لابن عمك وسمه=مدح ابن عمران ماجاني الحالي

ياعتيق المدح يزهاك وتهمه=شايملك ياولد حام التوالي

يالثنين الطيب ماقفكم يلمه=كاسبين الطيب من اول وتالي

كل واحد ماخسر من راح يمه=يقضي الواجب على طول الليالي

مثل عد ٍ بالروى ماغاض جمه=يسقي العطشان من عذب الزلالي

من يجيكم باللزوم يزول همه=لوعليه المشكله كبر الجبالي

مالحقكم لاملام ولا مذمه=طيبين ٍمن عمام ومن خوالي

ناطحين بساعة الضيق المهمه=مايهابون المواقف بالقتالي

مايحوش الطيب رجل ٍ راب دمه=غير من ياقف مواقيف الرجالي

من وقف لطيب ميقافه يتمه=مايجيه المدح جالس بالظلالي

المعالي يالنشاما راس قمه=مايصلها غير من يرقا المعالي[/poem]