اخي الكريم الشاعر الكبير / غازي البــراك حفظه الله
السلام عليكم ورحمة الله وبركاته والسعد الله اوقاتك انت والمشرفي والأعضاء والزوار الكرام.
يسعدني ان اقدم لك هذه المجاراه المتواضعه على قصيدتك( ابا قفل الجوال)
أمل ان تنال اعجابك واعجاب المتصفح . ولك خالص شكري وتقديري
اخــوك /ابــــو مـــأزن
قصيدة الشاعر غازي البراك
أبـقـفـل الـجـوال وافــارق الـجــوال = أريـح ضميـري عـن علوماً يـجـي نبهـا
آنـا عنـد وعـدي والمواقـف لـهـا رجــال= والانـي مـن اللـي كلمـتـه مايحـس بهـا
حصل خير مالي في سوا ليف قيـل وقـال= علـومـاً مــع الإحـــداث هـبــت هبايـبـهـا
على هون ياللي تحسب الهرج ضيقة بال = الياضـاقـت الشجـعـان هـانـت صعايـبـهـا
مجرب وشايب راس غازي مـن الاهـوال = اليازعلـت العالـم نسـت فـضـل صاحبـهـا
وهاذي طبوع الناس يضرب بها الامثـال = ابـو زيـد قبـلـي صحـبـة الـنـاس جربـهـا
******** type="text/**********">doPoem(0)***********
مجاراة الشاعر / ابـو مــازن
الا يا سلايل عبس صبو له الفنجــال = رجال الكرم والطيب من دون واجبها
شموخ القوافي للجزيلين جات اجزال = لاجل غازي البراك هلت سحايبها
الا ياوسيع العرف كان الحمول ثقال = يقوم الجمل بحمول ما حدٍ يقوم ابها
ولا يا جبل ماهزك الريح والزلــزال = والا يا فضاء ما ضاق زحمة كواكبها
انا خابر البراك بالصبر عال العال = خبير بمقامات الرجال وتخاطبها
بسم موقعك طالبك لاتغلق النقــال = الا واشحنه لين ان الابراج يندبها
خويك (وفي) يخدمك بالحل والترحال = بعصر التطور والحداثه يواكبها
بلحظتك تاخذ به وتعطي علوم ارجــال = علومٍ تنومس من سمعها ويكتبها
تحرّص عن الزلاّت ون جات لك تختال = تصبّر ترى صبرك يبدد مخالبه
خذ الشاذليه واترك الفول للفـــوّال = وكل الفيئات احسب لها ما يناسبها
******** type="text/**********">doPoem(0)***********
وسلامة الجميع
حاصل على ترخيص من وزارة الثقافه والاعلام السعودي
الا يا سلايل عبس صبو له الفنجال(مجاراه متواضعه للشاعر غازي البراك)
العرض الشجري