يسعد مساكم جميعا
ابيات اعجبتني ولها شي بنفسي
اردت نقلها لكم
والتعبير عما بداخلي مما بدى لي
بهالموقع الرائع الشامخ
عسى ان تنال استحسانكم ورضاكم
ودمتم وسلمتم
يابنت ياللـي تطلبيـن الاضافـه
انا اعتذر ماني من اللي يضيفـون
امشي على درب النقاء والنظافـه
ولاني من اللي للحبيبه يخونـون
يابنت من يتبع هوى النفس آفـه
والبهرج الخداع ماهوب مضمـون
دربً ماهو للزين نفسـي تعافـه
خلي عساه من الحسد دوم مصيون
ما احب انا درب الخطاء واقترافـه
ترفقي بالنفس بالهـون بالهـون
حتيش لـو انـك تمـدي كنافـه
مع لوز مع تفاح بالحيل يشهـون
الله ترى فوقـي وفوقـك نخافـه
ومن لا يخاف الله يابنت محـزون
اغناني الله عـن كـلام السخافـه
باللي بها قلبي مع العقل مفتـون
مكمله حسـن وجنـاب ولطافـه
والدين والاخلاق والعقل مـوزون
وانا اعترف فيني صمود وجلافـه
لكن مع الغالي على مـا تحبـون