هذ المحاوره بين الشاعرين الشاعر الامبراطور ثنيان الرشيدي والشاعر الكبير صياف الحربي
الامبراطـور الرشيدي
يامرحبا باسم المدينه واهلها من كل صـوب
عند الرجال اهل المكان اللي عزيزن شانها
ياطيب ليلن جاب لي صياف من بد الحروب
اللي وزنها في يديـه ولا شـرى ميزانهـا
صياف الحربي
الك البقا والطيب يوجد فالشمال وفالجنوب
والطيب من فعل الرجال اللي طوال ايمانها
حنا سرينا الليل كله كان ما هبت هبـوب
وان كان هبت قوم سج الخيل في ميدانهـا
الامبراطـور الرشيدي
الناس تجهل في بعضها ما ملكت سر الغيوب
لكن طلوع الشمس من فوق العرب برهانهـا
ترى الوعد لك يالسحيمي فالوسيع من الدروب
لا لاح براق المزون اللـي عـزل ربانهـا
صياف الحربي
يا كثر ناسن ما يعرفون الطلوع من الغروب
مثل السفينـه فالبحـر يـوم انقلـب ربانهـا
ترى الدروب البيض بين الناس ما فيها عيوب
واهل العوايد لا تغمـض والكحـل فعيانهـا
الامبراطـور الرشيدي
ما دام عينك صاحيه مانته عن النور محجوب
اقرب من الصورة وتعرف شكلهـا والوانهـا
انته تصعبها وهي ياعـود مافيهـا صعـوب
كل الطيور مسطـره فالمسطـره جنحانهـا
صياف الحربي
خيل العرب ما عاد فيها لا نزول ولا ركوب
عشرين منها فاول الهجمه تجـر ارسانهـا
الله يعينك قوم سو السالفه باحسـن سلـوب
واليا هداك الله تحط النـون مثـل اخوانهـا
الامبراطـور الرشيدي
خيل العرب راحت بعد جوها كبيرين القلوب
اللي تدور دربهـا واللـي تجـر اعنانهـا
اللي مضى فالباخره مافيه للراكب ركـوب
واليـوم لريـاح الهبايـب فتحـت بيبانهـا
صياف الحربي
ما يبلش البدوان غير الشيخ نفاخ الذروب
اللي ليا قرّب مـن الحيـه تمـد لسانهـا
الظاهر انك تطلع من الحفل مغفور الذنوب
هذا هدف من يرمي الحبه على طحانهـا
الامبراطـور الرشيدي
حنا ترانا ما نبيها يا بيض الشارب سحوب
الخزنه اللي دونها سلطان مـن سلطانهـا
حنا ذخرنا السيف ياصياف لا شبت شبوب
وام الكباير مالها الا السان مثـل السانهـا
صياف الحربي
حنا نبيها في ردون الثوب ما تصل الجنوب
ياشين رمي البندق اللي منعفـت نيشانهـا
انا تراني يابيض الشارب ما فتش فالجيوب
آخذ ماشاح ولاح والدنيا يا كثـر الحانهـا
الامبراطـورالرشيدي
تبي تبين الشمس فوق الثلج لين انـه يـذوب
تارد عليه النـاس وتعبـي منـه صملانهـا
انا ادري انك يالسحيمي لا مهبول ولا كذوب
احرفتها براس العصا واضفت عليك اغصانها
صياف الحربي
تبا تبين الشمس مير الثلج الابيض دوب دوب
تـارد عليـه ام العيـال وقرقعـة قدحانـهـا
حنا حسبنا المكسب المعروف والاصل محسوب
لو كان بعض الناس تدري كـان زاد جنانهـا
الامبراطـور الرشيدي
انت امتجهز للقشـر والا امتجهـز للهروب
نارن لها دخان بيـن ايديـك وش دخانهـا
ما راح شي من الجمال الا البعارين الذهوب
اللي تطب اوطان يابو زيد غيـر اوطانهـا
صياف الحربي
ما عندنا وحده من الثنتين يالشيخ النصوب
اليا دهنّا الروس والله ما يـروح ادهانهـا
ابليس حوّل في جهنّم مير عيا لا يتـوب
ذلوله القشرا لك الله مـا يمـس ابطانهـا
الامبراطـور الرشيدي
ان كان صرت بنص درب الناس يالقاضي نشوب
نصبر على اجحا ليـن ياخـذ حاجتـه ديانهـا
الهرج واجد والعرب ما بيـن غالـب ومغلـوب
مير المدينه يـا سحيمـي كـم عـدد سحمانهـا
صياف الحربي
يا كثر قدحان العرب فالبيت والديس محلـوب
الجوع ذبحهم وخبـز الهنـد فـي عمدانهـا
اهل الحجاز من الكرم ما يذبحون الا العصوب
واللي قعد ياكل ثـلاث ايـام مـن عصبانهـا
حاصل على ترخيص من وزارة الثقافه والاعلام السعودي
الشاعر الامبراطور ثنيان الرشيدي والشاعر صياف الحربي
العرض الشجري