مايحتزم بالحزام الا عقيد الجـــــــــــــهام
[poem=font="simplified arabic,6,black,normal,normal" bkcolor="transparent" bkimage="backgrounds/18.gif" border="solid,3,blue" type=1 line=0 align=center use=ex num="0,black""]
دنياك يالادمي ضمت حلال وحرام = ان صغرت بيتها ون كبرت بيتها
فيها ربيع وقحط فيها عجاج وعسام = مير ان تنطحتها ولا تقفيتها
ونوب تحب السلام ونوب ضد السلام = ونوب تجيلك بنكبه ما تحريتها
كم حققت من مرام وضيعت من مرام = ونته ضحية زمانك وستحقيتها
ان صحت صيحت خلا ون نحت نوح الحمام =لا واخسارة عصاك اللي تعصيتها
مايحتزم بالحزام الا عقيد الجهام = ورجال من مثل الجبال الا يتنصيتها
وكا المبلم تكلم وش تبي بالكلام = فرصه ثمينه وفات ما ستغليتها
والشر لاتمنه والنور يجلا الظلام = والعله اللي تعلك كذ تعديتها
ون التوى ذيلها جت لك تهز السنام = ون ماوطتك بكفرها ماتوطيتها
وين الامانه واهلها ونت راع الغرام = ماتجيبها في التمني لو تمنيتها
ولا نته وحيد الزمان اللي وطاك الملام = ولانته خوي الرجال لاياتناسيتها
ون جبتها باحترام اجيبها بحترام = ان صغرت بيتها ون كبرت بيتها [/poem]
الشاعر / عوض بن خيران الرشـــــــــيدي
حاصل على ترخيص من وزارة الثقافه والاعلام السعودي
مايحتزم بالحزام الا عقيد الجـــــــــــــهام جديد الشاعر عوض بن خيران الرشيدي
العرض الشجري