اخواني وخواتي هاذي قصيده من الشاعر سعود العبدلي المطيري والقصيده موجهه الي ابني رشيد ويخص بها الشاعرمبارك الردعان الرشيدي بعدها رد الشاعر مبارك الردعان علي سعود والكم قصيدة سعود ورد مبارك
قصيدة سعود
سولف ياعبدالله تري مابها عيب
في موقف قدك وشرواك قده
الحق حق ويبعد الشك والريب
والظلم ظلمه فالوجيه المصيده
ياعبس مافيكم عيوب وعذريب
المرجله في روسكم مستعده
بني رشيد امكملين الموجيب
حريبهم يمشي علي غير وده
نخوه وجيره والمخاوا علي طيب
مخوة ماهي مخاواة جده
اليا اسالوا منهم خيار الاصاحيب
هذا السوال الكل يعرف مراده
بني رشيد امكثرين التراحيب
خويهم فالوجه ماعنه صده
علي الشرف ضيفان ولا معازيب
يفدايهم اللي لازمه مايسده
اقولها وانا مضالي تجاريب
جيت الشمال وجيت مكه وجده
عشت الحياه وشفت فيها الاعاجيب
وما واجه الرجال لازم يعيده
وهاذ رد الشاعر مبارك عليه
لاهنت ياذيب بروس المراقيب
له في دروب الطيب هده ورده
مافيه رجل حي سميته الذيب
الاانت فعلك منطق الحق وحده
يالعبدلي للناس حق ومطاليب
ودي تجي بالمعرفه والموده
ماهي بقوه حيل ضرب المشاعيب
الجهل سلم ابليس ملعون جده
اقسم برب الكون علام الغيب
بيت الجهل من فوق راسه نهده
الناس هذي تخطي الرمي وتصيب
من صاب يلقي راحته بالمخده
بالراس يطلع شيب ونكافح الشيب
وليا ارتخا حبل الحقايق نشده
الشك زايل ماتهم الاكاذيب
لد النظر بالعين للنور لده
ماجنبت ربعك عن الزود تجنيب
مثل البحر يصفق علي الجال مده
لمطر في قلبي معزه وتوجيب
مشكور يااللي بيح الحق سده