قصيدة رثاء لشيخ :- عتيوي البراك

[poem=font="simplified arabic,4,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]

هات القلم واكتب بيوت جزالي=خل القلم يقودهن بين الاصباع

أبيات شعرٍ جن على كيف بالي=أصغا لهن فكري وللشعر مطواع

ماهو طرب لا شك طارٍ طرالي=طواريٍ جتني على كل الانواع

من ماجرا كني من العقل خالي=أثري هواجيس الخفا توجع أوجاع

دنياً تدور أيامها والليالي=أيام منها فاهم القلب يرتاع

تذوق فيها بين مرٍّ وحالي=واتلا تواليها تعّود للاقلاع

مافات قفاّ مثل فيّ الظلالي=ولايرجع الماضي لتاليه مرجاع

ولو يرجع الماضي وغالي لغالي=ماصار بين الناس حادي ومناع

جاني خبر موت الرفيق الموالي=عقب الفرح تبدلت هم واجزاع

جنّه منايا الموت يمنى وشمالي=لين اشعلنه شلع ضرسٍ امشلاع

بثالث ثلاث العيد باتلا الهلالي=ثالث ثلاث العيد والقلب ملتاع

أذكر عتيوي يوم حل المجالي=ماهو على الدنيا حريصٍ وطماع

ماحط بالدنيا تجاره ومالي=للآخره شاري ولدنياه بيّاع

مرحوم ياشيخٍ عزيزٍ وغالي=عساه مع زمرة نبيّه والاتباع

في رحمة المولى عزيز الجلالي=اللي له المخلوق ساجد وركاع

وصلّو عدد ماهل وبل الخيالي=على نبيٍ للمخاليق شفّاع



[/poem]



الشاعر :- خالد بن عمران بن زبن الرشيدي