محاورة الشاعر فوزان العبسي وبن متروك

محاوره حصلة عليها واعجبتني ويزيدها ابداع جزالة شعرائها وهي بين الشاعر فوزان العبسي والشاعر عبد الرحمن بن متروك المطيري
وصراحة تستاهل النقل بماتحمل من بجزالة النقض والفتل وهي في صيف الماضي بمدينة الرياض فأليكم هذه المحاورة




عبدالرحمن المطيري

سلامي عد هتان المطر لربوعي المطران = وعلى باقي النشاما الحـاظره مليون ترحيبه
انا ناويك نيه وان بغيت الصدق يافوزان= مصيبه لان ذبحتك وان تركتك برضوه مصيبه

فوزان

ياهلا يامرحبا ترحيبة المطران في المطران =ليامرالمطيري صاحبن رحب به صحيبه
وانا ماني بكيف مقطعين الروس بالخليان= ولاني من ينزل محـزمه والفرد في جيبه

عبدالرحمن

حزامك مايفكك لو يجون الانس واهل الجان= اشوف اللي سواتك ماعرف قدره وترتيبه
علامك يابن مربح بالطريق تعارض الغزلان= انا خـابرك رجــال تود العــلــــم وتجيبه

فوزان

يابن متروك لوتتركني احسن لك وانا فوزان= كثير الناس بينا عــليه الشك والريبه
علومك لاتسولفها على العرجان والحولان = يصدقها الردي وتحسف الطيب على طيبه

عبدالرحمن

انا بيني وبينك لعب والميدان ياحميدان = واشوفك يابن مربح قمت تخطي العلم وتصيبه
اسالك عن خفاي موقفك في محكمة عمان= تعكر نبعـــــك الصافي بعد صفــيت مشاريبه

فوزان

انا خابرك رجال تبي حرية النسوان = تصــــوت للقرار وما توصـــــــابه توصيبه
على هونك تراك بدولة االاسعود والاخوان= رقبة السيف شامان انتبه تقرب تلابيبه

عبدالرحمن

انا شاعر وصادق وطيب ولي عنوان= واخاف انه لاطاح الجمل تكثر عذاريبه
ابثبت في محلي لين ارجح كفة الميزان= لان الـــحر لمنه نوا حقـــق مطاليبه

فوزان

انا مدري من الرابح وانا مدري من الخسران= ولاني فاهمن بعض الكلام اللي تهذري به
حقيقه حر واوصافه ماهي مع طير ابن برمان= واعرف الحر لامنه طلــــع صادة مخاليبه

عبدالرحمن

تقوله وانته محامي لابو هنود والافغان = لاشفته حـــــــضر فزيت من قلبك تهـــلي به
ترى المضمون شي جربه من حولنا الجيران= ولو به عيب بين في ضحى جيرانا عيبه

فوزان

يقال الفيل اله خرطوم والخرطوم بالسودان = وحكام الرجال السود مدري وش تسوي به
ترى نارك يابن متروك نار مالها دخان = يحلــــــم الليل سر الليـــل عنا وانتف الشيبه

عبدالرحمن

واان اشوف النمر باسمه تسمى نمر ابن عدوان = اساليبه كثيره والشجاعه من اساليبه
ونار الحشر سوداء كان تسالني عن الالوان = اسال الله باســــــمائه يكفــــينا ملاهيبه

فوزان

تسمى بالاسامي كلها واستنجد الشران= انا عمق البــــحر ينظر له الســــباح ويهيبه
تبى تشري بقيمة غاليه وتبيع بالمجان = على شان تحلف ماتبيع في شوقي وتشريبه

عبدالرحمن

الياصرتوا عرب تاتحبسون الذيب بالدكان= بوادير القدر درب قبل مانته بــــــضاريبه
بحور تهلك الراوي ولاكن تروي العطشان= وان جاها الابن ادم يشتكي حشة عراقيبه

فوزان

لياصرتوا بديون ترفعون البيت بالعمدان= ولياجته الرياح العاتيه شـــــالة مناسيبه
وانا ماني مروح لين قدمي تخلي المرحان= واخضك يالغدير اللي تزارقبه دغالايبه

عبدالرحمن

انا اوحيت الاسامي كلها ماعجبني الا فلان= وبحرك اللي تقوله عارفه من قبل تجريبه
سواتك رجل واعي بس حضه طايح وبلشان= بلش مابين تسحيب العباه وفتل اشانيبه

فوزان

تقدا يالمطيري لاتقدي دربك العميان= عيونك فيك لايعــــــــطـــونك الباكـــــور تمشيبه
ترى عيب العيون اللي مصابه في عمى الالوان= لاحط الهدف لونين ماتحسن مضاريبه

عبدالرحمن

تقدينا نعاره جبتها من مصنع الجدان = وعــــــقل قدم خـــــلق الله لاضـــــــاقت نماريبه
هذا انت تشوف بعيونك ولاكن عقلك التعبان=ومثلك يابن مربح كيف مدري ويش اسويبه

فوزان

رفيقي عارفه من روس قوم تبرح الريعان= على روس الشواهد يسحب الصاحب مصاحيبه
ولكن ان افت العقل ابليس والنسيان = وانا مامــــد حـــــبل لرفيـــــــق ابليـــــس يوميبه


امل ان تنال اعجابكم وتقبلواتحياتي وتقديري