قصيدة الشاعر خليف الوهيداني ورد غازي البراك

بسم الله الرحمن الرحيم
اخواني هذه الابيات للشاعر خليف الوهيداني
خليف عند ماقرى لي قصيده منشوره في الانباء الكويتيه
ارسل هذه الابيات في منتدى مجالس عبس

يقول خليف

يسلـم يابـن بـراك فكـرك ويمـنـاك=بخـط الحـروف المبهمـات الجميلـه
لونـهـا مـاهـي غريـبـه لـشــرواك=ياتيـلـك المعـنـى ومعـنـى تجـيـلـه
شاعـر ولا حد(ن)بالجزيلـه تعـداك=تختـار مـن وسـط المعـان الجزيلـه
يفداك مـن مايعـرف الشعـر يفـداك=ويـفـداك رجل(ن)مايـعـز القبيـلـه
والاانت دايم ترفع الـراس طريـاك=حر(ن) علـى راس الطويلـه مقيلـه
جاك المثل من شاعر(ن) مابعد جاك=لاكــن ردودك واضـحـه وتحكيـلـه
وانت الذي عرفك فخر مع مجـاراك=وعنـك العلـوم الهافـيـه مستحيـلـه
خذهـا هديـة وستـلـم يـابـن بــراك=هـديـة مــن نـفـس مـاهـي بخـيـلـه

******** type="text/**********">doPoem(0)***********
وهذا ردي عليه

يا خليف مردود المعاني تنصاك=هيضتني ياخليف مافيك حيله
نشت عنك الي يعرفون مرباك=قالوا نعم وافي ولآفيه ميله
ماحد يذم الي على الطيب رباك=يابن خزيم يامنجي دخيله
لاهنت يالي منبع الطيب مجناك=اهل الكرم وهل السيوف الصقيله
الله يجيرك عن صواديف الادراك=ياشاعر الي لك بيوت جزيله
شاعر مع الشعار مايزل معناك=وللي يذمك ضيع الله دليله
زان القصيد ومطلبي كله رضاك=مطلب عميلً وافيً مع عميله

******** type="text/**********">doPoem(0)***********

وبعد ماوصل الرد على اشاعر خليف رد في هذه الابيات

يقول خليف

يامرحبا بالكتـاب ومرسلـه يمـي=ترحيبت الغالي اللي صادفه غالـي
رجل(ن)على الردالي بالحيل مهتمي=لعل قـدره عزيـز ودايم(ن)عالـي
شوفت كتابه جلت عن خاطري همي=وانا قبل لا يجيلـي ضايق(ن)بالـي
قامت هواجيس شعري فـي تلتمـي=ودنيت نجري وقمت اصب فنجالـي
تباالاسم كامل ابشر يارجـل سمـي=والرقم عندي حفظته وسط جوالـي
جابولي العلم من يمك بنـي عمـي=ملفي وعبدالله اللي كفـوا ورجالـي
قالو بك الطيب والمعروف منظمـي=ولاياتي الطيب غيربجزل الا فعالي

******** type="text/**********">doPoem(0)***********