العمـر لـو طـال جـاه الـمـوت وغتـالـه

مـن مانشـد عنـك لاتنشـد عـن احوالـه
انس المقفي ليا قفـى وقفـت اظعونـه
وخلـك بفالـك وهــو خـلـه عـلـى فـالـه
وجعـل بعيـد المسـافـه دونــك ودونــه
لاصــار ناسـيـك ماتـطـري عـلـى بـالــه
مـالـك ومـالـه ومــال الـلــي يـخـاوونـه
والـرجـل يقـطـف ثـمـر وقت(ن)تهيـالـه
ويشـوف ربحـه ومخراجـه علـى هونـه
والعمـر لـو طـال جـاه الـمـوت وغتـالـه
كـم واحـدن مـات قبـل يقضـي اديـونـه
احــدن حيـاتـه تـســر الـربــع وعـيـالـه
ولامـات مـوتـه حــزن والـنـاس ينعـونـه
وماينبكـي غيـر رجل(ن)طابـت افعالـه
والا الـردي وهـو حـي النـاس ينسونـه
الرجـل مــن بالفعـايـل يظـمـن اقـوالـه
لاقــال قول(ن)يـفـي بالـقـول ويصـونـه
واللـي علـى غيـر فعـل يميـل اعقـالـه
ودك عـلـى الخـشـم والحـجـان يكـوونـه
ويكتب على الخـد تحذير(ن)لمـن جالـه
تـحـذيـر وقـــت الـشـدايــد لاتـنـصـونـه
واليوم طيب الرجل معـروف فـي مالـه
والا بامنـصـب بــه الـعـالـم يشـوفـونـه
ومــن مـاقـدر والـعـذر تــردي احـوالــه
مافيـه شـك(ن)وفـي عــذره يعـذرونـه
ومن قال انا اللي عرفت الكون وشكاله
غلـطـان والـنــاس قـولــه مايطيـعـونـه
ومـن قـال انـا الشعـر مندوبـه وخيـالـه
اخـطـا بقـولـه وخــلا الـنــاس يقـفـونـه
كــم واحــدن تـضـرب المـثـال بامـثـالـه
ومثايـلـه بالحـكـم والنـصـح مضـمـونـه
وكـم واحــد بالشـعـر مـاحـدن توحـالـه
لـو جـر شعـره باحـلـو الـصـوت ولحـونـه
واحــدن تـبـلا بـهـذا والـوقـت والـنـذالـه
وحـتــى لـــو ابـعــد يـجـونـه ويتبـلـونـه