رد علـى ( حمد بن علي البراك ) .. مع التحيه !!!

اخواني الأعزاء
السلام عليكم ورحمة الله وبركاته
شرفني اخونا وشاعرنا المبدع المتألق/ حمد بن علي البراك
بأن أسنــد لي اللغـــز التالي .. حيث قال ابو علي حفظ الله :


اقتباس:
المشاركة الأصلية كتبت بواسطة حمد بن علي
[poem=font="simplified arabic,5,blue,normal,normal" bkcolor="transparent" bkimage="" border="double,4,darkred" type=1 line=0 align=center use=ex num="0,black""]
سلام من راعي المعنى لراع الجواب=رديت(ن) توجد الجزلات بركونها
عندي سؤال عساك تجيب حله صواب=وش بنت(ن) هل الرمعه مايلقونها
تمسي وتصبح مع الهجن الاصيل الركاب=اصيلت(ن) بينت للناس مضمونها
لها خوي(ن) مهو شايب ولا هو شباب=مثل ماقالوا ترى فن(ن) من فنونها
ولك التحية يابن مظهور عد السحاب=وعداد فرض الصلاة اللي يصلونها
وان كان حليتها .. فسر معان الخطاب=هي وشي البنت قلي وش يسمونها
وان كان ماصبتها اعلن قرار انسحاب= لكن اخبرك .. ترى الوقفات ماتخونها
[/poem]




ورديت عليه بالقصيده التاليه التي ارجو
ان يكون مضمونها صحيح .. وان الحل صائب.

واذا لم يكن حلي صحيح .. فاأنا اعلن الإنسحاب !!!


[poem=font="Simplified Arabic,5,black,bold,normal" bkcolor="transparent" bkimage="backgrounds/6.gif" border="double,4,black" type=1 line=0 align=center use=ex num="0,black""]
يامرحبا بالعزيز الي بعث لي كتاب = برسالة(ن) كل خلق الله يشوفونها
اذعن لها الفكر كله .. والهجوس استجاب = وسار القلم يكتب الجزلات لعيونها
فيها سؤال(ن) موجه من عزيز الجناب = عن .. بنت معها خوي .. تحميه ويصونها
سألتني .. ياحمــــــــد .. وابشر سؤالك مجاب = واجابتي .. مايطيح الصح من دونها
هذي هي .. ( الكفه ) .. الي يوم قل الزهاب = والناس من فعل اهاليها يهابونها
وسم(ن) نزيه .. وعلامة يُمنع الإقتراب = خطر على الي يحاول كسر قانونها
وتبقى .. وتفنى .. وهي كفة نسب .. وانتساب = تبقى ولو حاول العدوان يمحونها
لأنها شامخه مثل شموخ الهضاب = ومن دونها رجال طول الوقت يحمونها
هذا هو الحل .. واستأذنك حان الذهاب = ابتركه في رساله عند مأمونها
كتبتها شعر .. واعلنت اكتمال النصاب = واطلب من الربع لاجوها يزكونها !!!
[/poem]


وتقبلوا جميعاً تحياتي وتقديري واحترامي