عواكيس
* صحيح يا معوكس انك عضو شرف في احد الأندية بس يقولون انك تشخص باسم النادي على الفاضي ولا تدعمه بريال واحد، كيف تقبل بعد ذا العمر أن تصير عضو شرف "طفران"؟
مهاوش العبيسي – رفحاء
- قصدك عضو الشرف الطفران اللي كل يوم في قناة وجريدة.
• وش رأيك يابو العواكيس بالدوري وكيف رأيت تعامل زينجا مع المباريات، وهل تظن انه سيواصل مهمته بنجاح خصوصا عقب اللي صار بينه وبين الحارثي؟
سيف طرابيشي –المدينة المنورة
- المهم عساهم قضبوا اللي رموه بالمفرقعات وإلا الحادثة سجلت ضد مجهول.
* أريد أن أسألك وتجاوبني بصراحة يابو العواكيس ماهو تاريخ حاتم خيمي حتى يحاول ان يسوي نفسه نجم مثل ماجد والنعيمة والمصيبيح والجمعان وصالح خليفة وعبد الجواد وبقية الجيل الذهبي، والمصيبة انه كل تاريخه مع المنتخب ضموه لأحد المعسكرات واستبعدوه، أرجوك قل له لا عاد يسوي زحمة مالها داعي؟
أسامة نجار- مكة المكرمة
- لا ويوم اعتزل صار ما شاء الله إعلامي وكل يوم في استديو وهات انتقادات ما لها سنع.
* اكتشفت يابروفسور معوكس ان علة الأهلي ماهي في المدرب، انما في الأهلي نفسه والظاهر اننا بردد ياليل الغياب عن البطولات ما أطولك؟
عادل الثبيتي – الباحة
- القلعة بتعود إذا تخلصت من كثر المنظرين في الصحف تراهم كل يوم لهم رأي لا وبعضهم يقول لن أتكلم حتى ما يزعل أحد أجل ويش الفايدة من النقد.
* الأخ معوكس وش رأيك بتحليل بعض المدربين الوطنيين، أحس أنهم مع جنبه، بدليل أن التحليل يبدأ وينتهي وهو يردد الفريقين اعتمدا على جس النبض، أي نبض يامعوكس والمباراة فيها أربعة أهداف "مثلا"؟
سعود بن عافت الجميل- حفر الباطن
- بعد "طبة" علي كميخ في الفوانيس صك على المدربين وعرفنا السبب اللي يخلي الأندية تعطيهم أشكل وتتعاقد مع مدربين أجانب.
صباخ الخير يامعوكس هل تظن أن سياسة (خذوهم بالصوت) ستؤتي ثمارها مع حكام المهنا ام ان الامور تتحسن مع استمرار الدوري؟
محمد الغنام – بريدة
- خايف اتكلم ثم تعاقبني لجنة الانضباط خصوصاً بعد بيانهم التهديدي الأخير اللي ينطبق عليه المثل البلجيكي "اسمع جعجعة ولا أرى طحينا" طيب طبقوا اللوائح.
* كم كاتب أو صحفي يا معوكس يحتاج ان نمر به على شهار عسى ان تتحسن حالته ويعود لتحليل المباريات وكتابة المقالات وهو في كامل قوه العقلية؟
خالد الدليبيح – الرياض
- بس أخاف إنهم ما يطلعوه إذا جاهم يراجع.
* العزيز معوكس يا أخي والله إني رحمت احمد القحطاني والعقوبات اللي طبقت عليه قاسية جدا أنت وش رأيك يا أبو العواكيس؟
حمد الدوسري- ابو مبارك- العزيزية – الرياض
- طيب لو ما سدد المبلغ ويش بيسوون فيه، ولو سدد وين بتروح الفلوس وبعدين أقرأوا اللوائح وبس.
* وش رأيك يامعوكس بالصحفي اللي يسوي نفسه صحفي عالمي عندما يكتب عن الأندية الاسبانية والأوروبية، اشعر انه معطي نفسه حجم ما هو قده؟
منير الخالدي- الدمام
- ينطبق عليه قول فايز المالكي "يعننننني"
* فيه مدرب وطني يامعوكس اذا شاف النقد استعان بأكثر من صحفي عشان يدافعون عنه، وش تسمي هالسياسة ذكى وإلا دلاخة؟
امجد المويشري- شرورة
- الاختيار الثاني أقرب للواقع.
* يقولون انك متهم يامعوكس بانك وراء اختفاء بطولات الاتحاد من مقر النادي عشان بطولات "العميد" ما تصير أكثر من بطولات ناديك، اجب بلا أو نعم؟
سامي الخويلدي – الهفوف
- انا مسكين من سرق يبدو إنه هامور وعنده كل مخططات المتحف.
* وش السر يامعوكس في كثرة إصابات لاعبي الشباب، أرجو أن يكون جوابك مفيدا وليس مثل إجابات بعض اللاعبين اذا سأله المذيع ما رد عليه بجملة مفيدة؟
ثامر المصباحي – ابها
- السببب كماتشو ينبرش عليهم في التمرين ويرحون فيها.
* لو كنت يامعوكس مدير قناة ما هو أول قرار تتخذه، لا تقول استضافة صحن قائم وصياد؟
عبدالله الثميري – جدة
- ابستضيف الهليل وأعضاء فريقه مفتاح 14
*هالحين يامعوكس خالد القروني خذا احمد زايد معه وعمر باخشوين جاب صالح خليفة بجنبه ووجدي الطويل رشح يوسف عنبر، وراءا اذا ما صرت مدرب أو إداري تجيب صياد يشتغل معك، ترى الناس بالناس والكل بالله؟
عوض الجغيمي - رنية
- المسألة كلها شد لي واقطعلك لا والملاحظ ان المدربين المساعدين ما يظهرون في الصور أبد له آخر الشهر يستلم الراتب والترزز للمدرب الأول.
* الأخ أبو العواكيس وش رأيك بنتائج الهلال قبل التوقف وما ذا تتوقع لنتيجة مباراته مع الغرافة؟
صديقك الصدوق عبدالملك المرشد – عرقة – الرياض
- الأمور مضبوطة حتى العيد وبعدها يا كثر الذين يحترون الطيحة.
حاصل على ترخيص من وزارة الثقافه والاعلام السعودي
رد: اخبار نادي الشعب الهلالي ليوم الجمعه 24/9/1431هـ
العرض الشجري